Бугун,

  • USD 11095.31
  • RUB 173.84
  • EUR 10772.44

Фарзанд дунёга келиши барча учун қувончли воқеа. Машҳурлар орасида ушбу бахтни ҳис қилиш ва оила аъзолари сони кўпайиши учун суррогат она ёрдамидан фойдаланганлар ҳам йўқ эмас.

Николь Кидман

Фото: Cosmopolitan

Фото: Cosmopolitan

Кит Урбан билан турмуш қурганидан кейин актриса 2006 йилда она бўлган. 2010 йилда эса суррогат она томонидан иккинчи қизи дунёга келган. Николь қизини суррогат онаси билан 2017 йилда таништирган.

Элизабет Бенкс

Фото: Cosmopolitan

Фото: Cosmopolitan

Элизабет ва турмуш ўртоғи Макснинг ҳар икки ўғлини ҳам суррогат она дунёга келтирган ва у аёл оиланинг аъзосига айланиб қолган. Актриса бир-биридан ёқимтой фарзандларининг дунёга келишига сабабчи бўлган суррогат онадан миннатдор эканини, шунингдек, бир неча йил давомида ҳомиладор бўлишга урингани, аммо бунинг уддасидан чиқа олмаганини яширмайди.

Люси Лю

Фото: Cosmopolitan

Фото: Cosmopolitan

Люси узоқ вақт она бўлишни истаган. 2017 йилда 46 яшар Люси фарзандли бўлган ва бунда унга суррогат она ёрдам берган. Актриса ўғлига Роквелл деб исм қўйган.

Алла Пугачёва

Фото: Cosmopolitan

Фото: Cosmopolitan

2013 йилда 64 ёшли хонанданинг она бўлгани барча учун янгилик бўлган. Унинг эгизак фарзандларини суррогат она дунёга келтирган. Дима Билан, Игор Николаев ва хонанданинг собиқ турмуш ўртоғи Филипп Киркоров Максим Галкин ва Аллани фарзандли бўлгани билан табриклаган.

Сара Жессика Паркер

Фото: Cosmopolitan

Фото: Cosmopolitan

Сара илк бор 2002 йилда она бўлган ва шундан кейин қайта фарзандли бўлишга кўп бор уринган. Шундан кейин суррогат она ёрдамидан фойдаланган. 2009 йилда Мэттью ва Сара иккинчи марта ота-она бўлган.

Зои Салдана

Фото: Cosmopolitan

Фото: Cosmopolitan

Зои 2013 йилда италиялик рассом Марко Перего билан турмуш қурган ва бир ярим йилдан кейин эгизак фарзанд дунёга келтирган. Яна бир марта оналик бахтини ҳис қилиши учун эса унга суррогат она ёрдам берган.

Тайра Бенкс

Фото: Cosmopolitan

Фото: Cosmopolitan

Тайра ҳам икки йил давомида фарзандли бўла олмаган. У ёшлигида карьерага эътибор бериб, болали бўлиш ҳақида ўйламаганини тан олган. 2016 йилда эса суррогат она ёрдамида ўғил фарзанднинг онаси бўлган. Тайра узоқ кутган мўъжиза юз бергани, фарзанди ўзи ва турмуш ўртоғига қуйиб қўйгандек ўхшашини айтиб, уларга ёрдам берган аёлдан миннатдорлигини билдирган.

Изоҳ
Асосий янгиликлар
Спорт
Қатарлик инвесторлар “Манчестер Юнайтед”ни сотиб олишга жиддий киришган. Бу уларга 8 млрд фунтдан кўпроққа тушиши мумкин
Дунё
Ким Чен Ин қизи ва рафиқаси билан армия командирларининг қароргоҳига ташриф буюрди (фото)
Маҳаллий
БМТ Термиздан Афғонистонга навбатдаги инсонпарварлик ёрдамини жўнатди