Мадрид марказида портлаш содир бўлди. Кўп қаватли уйнинг бир қисми қулаб тушди

Мадрид марказида портлаш содир бўлди. Бу ҳақда ижтимоий тармоқлардаги ҳодиса гувоҳларига таяниб Meduza хабар бермоқда.

https://twitter.com/valleejooo_/status/1351894186761576449

Портлаш диний ташкилотга қарашли, қариялар уйига туташган кўп қаватли бинода содир бўлган. Ҳодиса натижасида бинонинг ўзи қисман қулаб тушган.

Ҳодиса сабаблари ҳозирча аниқ эмас. Эли Диарио нашрининг ёзишича, катта эҳтимол билан маиший газ портлаган.

https://twitter.com/Eneko_SNKV/status/1351895439574970368

Ҳодиса натижасида бир неча киши жароҳат олган. Қариялар уйида ҳеч ким жабрланмаган.

Эхпансион нашрининг маълум қилишича, портлаш оқибатида камида уч киши ҳалок бўлган.

Аввалроқ Россияда 2020 йилда 41 та терактнинг олди олингани ҳамда Афғонистонда юз берган портлаш оқибатида 20 дан ортиқ киши ҳалок бўлгани ҳақида хабар берилганди.