Миллиардер Ричард Брэнсоннинг Virgin Orbit компанияси LauncherOne ракета-ташувчисини муваффақиятли учирди. Бу ҳақда компаниянинг Twitter’даги саҳифаси орқали маълум қилинган.
«Компания ракетани старт баландлигига олиб чиқиш учун модификацияланган Boeing-747’дан фойдаланди. У белгиланган нуқтага ракета-ташувчини ташлайди, у эса ўз двигателларини ишга тушириб, керакли юкни орбитага олиб чиқади», — дейилади хабарда.
https://twitter.com/Virgin_Orbit/status/1350960438444511232
2020 йилнинг майида бу каби тизимнинг синови муваффақиятсиз якунланган эди — ўшанда ракета Boeing’дан ташлангач, ўз двигателларини ишга тушира олмаган.
17 январь кунги учиришни компания NASA манфаатлари учун амалга оширган.
Virgin Orbit’нинг ҳисоблашича, учириш бўйича компания томонидан яратилган модель ракета-ташувчиларни анъанавий равишда вертикал учиришдан кўра арзонроқ бўлади.
Virgin Orbit — Брэнсоннинг космик туризм билан шуғулланишни режалаштирган Virgin Galactic компаниясидан 2017 йилда алоҳида ажралиб чиққан компания.
Изоҳ (0)