Жиззах шаҳрининг Мустақиллик кўчасида қурилаётган кўп қаватли уйнинг бир қисми 10 январь, якшанба куни қулаб тушгани, қурилиш «Чорвадор-Қоракўл-Барака» компанияси томонидан олиб борилгани ҳақида хабар берилганди. Бош прокуратура матбуот хизматининг маълум қилишича, ҳолат юзасидан вилоятнинг назорат инспекцияси мансабдорларига нисбатан жиноят иши қўзғатилган.
«Мазкур ҳолат юзасидан ўтказилган терговга қадар текширув натижасига кўра Жиззах вилояти қурилиш соҳасида ҳудудий назорат инспекцияси мансабдор шахсларига нисбатан Жиноят кодексининг 207-моддаси (мансабга совуққонлик билан қараш) билан жиноят иши қўзғатилди», — дейилади хабарда.
Таъкидланишича, ҳозирда тергов ҳаракатлари олиб борилмоқда.
Аввалроқ қулаган бино ёнидаги иншоот ҳам хавфли ҳолатда тургани маълум қилинганди. Маълумотларга кўра, иншоот эгаси «Чорвадор-Қоракўл-Барака» МЧЖ эмас, балки «Баракали қоракўл чорвадор» фермер хўжалиги бўлиб, у қўй наслчилиги билан шуғулланади.
Изоҳ (0)