Jizzax shahrining Mustaqillik ko‘chasida qurilayotgan ko‘p qavatli uyning bir qismi 10-yanvar, yakshanba kuni qulab tushgani, qurilish “Chorvador-Qorako‘l-Baraka” kompaniyasi tomonidan olib borilgani haqida xabar berilgandi. Bosh prokuratura matbuot xizmatining ma’lum qilishicha, holat yuzasidan viloyatning nazorat inspeksiyasi mansabdorlariga nisbatan jinoyat ishi qo‘zg‘atilgan.
“Mazkur holat yuzasidan o‘tkazilgan tergovga qadar tekshiruv natijasiga ko‘ra Jizzax viloyati qurilish sohasida hududiy nazorat inspeksiyasi mansabdor shaxslariga nisbatan Jinoyat kodeksining 207-moddasi (mansabga sovuqqonlik bilan qarash) bilan jinoyat ishi qo‘zg‘atildi”, — deyiladi xabarda.
Ta’kidlanishicha, hozirda tergov harakatlari olib borilmoqda.
Avvalroq qulagan bino yonidagi inshoot ham xavfli holatda turgani ma’lum qilingandi. Ma’lumotlarga ko‘ra, inshoot egasi “Chorvador-Qorako‘l-Baraka” MChJ emas, balki “Barakali qorako‘l chorvador” fermer xo‘jaligi bo‘lib, u qo‘y naslchiligi bilan shug‘ullanadi.
Izoh (0)