Олий Мажлисниг Инсон ҳуқуқлари бўйича вакили (Омбудсман) Улуғбек Муҳаммадиев 2020 йилнинг 29 декабрь куни Конгресс холлда ўтказилган Президент Шавкат Мирзиёевнинг Мурожаатномасига бағишланган тадбирдан сўнг «Дарё» мухбири Миролим Исажоновга қисқа интервью берди.
Улуғбек Муҳаммадиевнинг айтишича, қийноқлар масаласи кўп йиллар Ўзбекистон учун тамға бўлиб келган.
Давлатимиз раҳбари ўз Мурожаатномасида яна бир муҳим жиҳатга, яъни қийноқлар масаласига эътибор қаратди. Бу ҳақиқатан жуда оғриқли масала, кўп йиллар бизга тамға бўлиб келган. Барчамиз кўриб, билиб турибмиз охирги йиллардаги ислоҳотлар туфайли бундай нарсаларни энди яширишнинг имконияти йўқ. Бу каби ҳолатлар тезда жамоатчилик назарига тушиб, муҳокама қилиняпти, жавобгарлар жазосини ҳам олмоқда. Ҳаммамиз бу ҳақда оммавий ахборот воситалари орқали ҳам танишдик. Ўша Андижон ва Қашқадарё воқеаларига йўл қўймаслигимиз кераклигини англаб етдик.Аввалроқ Улуғбек Муҳаммадиев халқаро стандартлардан келиб чиқиб 2021 йилдан 25 та манзил-колониянинг босқичма-босқич қисқартирилиши ва бир пайтлар жазони ижро этиш тизимида инсон ҳуқуқларини ҳимоя қилиш масаласи ёпиқ мавзу ҳисоблангани, шунингдек, «Жаслиқ» узоқ йиллар мамлакатга доғ бўлиб келаётган бир маскан экани, одамлар ўртасида ёмонотлиқ номга айлангани ҳақида фикр билдирган эди.Президентимиз шу нарсани олдимизга қўймоқда, Омбудсман, жамоат идоралари ва инсон ҳуқуқларини ҳимоя қилувчи ташкилотлар биргаликда парламентда маъруза билан чиқиш қилади. Яъни мамлакатда кузатилаётган қийноқлар ҳолати, уларнинг олдини олиш бўйича қилинган ишлар ва бунга йўл қўймаслик юзасидан бўлаётган ҳаракатлар ҳақида кенг жамоатчиликни хабардор қилиш мақсадида Парламентга ҳисобот бериш масаласи қўйилмоқда. Ўйлайманки, бу ҳам жудаям муҳим катта бир демократик қадам. Давлатимиз раҳбари маърузаси сўнггида «Биз бу демократик ўзгаришлар йўлидан ортга қайтмаймиз», деган ғояни яна бир марта такрорлади. Бу юртимиздаги ҳар бир фуқарога етиб борадиган сўз бўлди. Бу инсонпарварлик ва демократик жараёнлар, ўзгариш ва ислоҳотлар фақат олдинга кетади, ортга йўл йўқ, дегани.
Улуғбек Муҳаммадиев, Олий Мажлисниг Инсон ҳуқуқлари бўйича вакили
Мавзуга доир:
- Шавкат Мирзиёев Чироқчи ва Андижонда ИИБ ходимларининг фуқароларни калтаклаши билан боғлиқ воқеалар учун соҳа раҳбарларини танқид қилди
- Андижонда фуқаронинг қийноққа солиниши ва касалхонада вафот этишига алоқадор ИИО ходимларига суд ҳукми ўқилди
- «Илгари бундай салбий ҳолатлар ОАВ томонидан кенг ёритилмасди». Пўлат Бобожонов ИИВ ходимларининг ноқонуний хатти-ҳаракатлари ҳақида
- Пўлат Бобожонов «Чироқчи воқеаси» бўйича туман ИИБ раҳбарларини ишдан олди. Уларнинг икки нафари ички ишлар тизимидан ҳайдалди
- Андижонда ИИБ ходимларининг қийноғидан сўнг вафот этган фуқаронинг синглиси: «Акам қимматбаҳо тош можароси қурбони бўлди»
Изоҳ (0)