2020 йил 16 декабрь куни «COSCOM» МЧЖ (Ucell савдо белгиси) уяли алоқа оператори вакиллари «Илм-фан, таълим ва рақамли иқтисодиётни ривожлантириш йили» ижодий тематик танлови ғолибларини тақдирлади.
Материалларда иштирокчилар 2017—2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси доирасида амалга оширилган «Iлм-фан, таълим ва рақамли иқтисодиётни ривожлантириш йили»да ахборот технологиялари, жумладан, мобил алоқа соҳасида амалга оширилаётган ижобий ўзгаришлар ва ривожланиш тенденциялари тўғрисида жамоатчиликни хабардор қилишга алоҳида эътибор қаратди.
Танловда 2020 йил 1 сентябрдан 30 ноябргача нашр этилган ижодий ишлар қабул қилинди. Ўзбек, қорақалпоқ ва рус тилларидаги материалларни телевидениэ, радио, газета, веб-сайтлар, шунингдек блоглар ва Telegram каналлари вакили бўлган 43 журналист тақдим этди. Энг ёш иштирокчи 18 ёшда, энг каттаси 83 ёшда.
Мустақил экспертлардан ташкил топган ҳакамлар ҳайъати, мавзуни очиб беришда ўзига хос ёндашуви билан ажралиб турадиган материалларга устунлик берди.
Биринчи, иккинчи ва учинчи ўринлар учун ноутбуклар, смартфонлар, ташқи қаттиқ дисклар, бошқа иштирокчилар рағбатлантирувчи совғалар ва дипломлар билан тақдирланди.
Танлов ҳакамлари ҳайъати mobinfo.uz веб-сайти ва МобИнфо_уз Telegram-каналини бошқарадиган журналист ва блоггер Жамолиддин Турдимовга «Энг ихтисослашган сайт ва Telegram канали учун» махсус совринни топширди.
Валерия Салахутдинова, «Ўзбекистон 24» мухбири, Бухоро:
— Ucell томонидан Фан, таълим ва рақамли иқтисодиётни ривожлантириш йилида оммавий ахборот воситалари вакиллари учун ташкил этилган ижодий танлов ҳақида мен Telegram ишчи гуруҳидан билиб олдим. Ўша пайтда мен Бухоро давлат тиббиёт институтининг замонавий ахборот технологияларидан фойдаланиш билан боғлиқ бўлган ўқув лойиҳаси ҳақида репортаж тайёрлашни режалаштирган эдим. Бу Smart book challenge mobil китобхонаси бўлиб, у ердан электрон китобларни ҚР кодини сканерлаш орқали мутлақо бепул юклаб олишингиз мумкин. Бундай қизиқарли танловда қатнашиш имконияти мени янада руҳлантирди. Мамнуният билан танлов аризасини тўлдириб, эфирга узатилган видео лавҳаларни юборгандим. Менинг ишим дарҳол иштирок учун қабул қилинди ва мен фахрли ўринни қўлга киритганимдан жуда хурсандман. Республика миқёсида бундай юксак баҳони олиш мен учун катта шараф. Танлаган мавзуси, ижодкорлик учун мотивация бағишлагани ва журналист фаолиятини қўллаб-қувватлагани, ҳалоллик ва албатта, фаолиятимиз жуда зарур бўлган совғалар учун ташкилотчиларга чин юракдан миннатдорчилик билдирмоқчиман. Қолган ғолиблар ва иштирокчиларни ҳам табриклайман ва барчага янада профессионал муваффақиятлар ва фаровонлик тилайман!
Элдар Асанов, Asanov formati блоги муаллифи, Тошкент:
— Яхши иш топиш учун уни қўлга киритиш керак, бунинг учун портфолио керак, агар танловлар, грантлар, дастурлар бўлмаса, ўз имкониятларини реализация қилиш учун имкониятлар мавжуд эмас. Менимча, жамиятимиздаги ушбу ҳолат турли соҳа мутахассисларининг шахсий ривожланишига катта халақит беради. Шунинг учун ҳам мен ҳар қандай танлов, тадбир, дастурларни қўллаб-қувватлайман. Энг муҳими шундаки, улар адолатли, шаффоф ўтиши ва иштирокчиларнинг ҳақиқий имкониятга эга бўлишида. Менимча, Ucell танлови жуда адолатли ва ошкора бўлди. Ҳар қандай ҳолатда ҳам, мен буни инкор этувчи бирон бир ҳодисани кўрмадим ёки эшитмадим. Бундай танловлар зарур, уларнинг кўплиги ма‘қул. Ўнлаб, юзлаб бу каби танловлар ёш мутахассисларга, турли соҳалар экспертларига ривожланиш ва имкониятларини реализация қилиш йўлларини топишда ёрдам беради. Шу муносабат билан Ucell танлови кўплаб иштирокчилар ва кўплаб совринлар билан мени хурсанд қилди. Бу шуни англатадики, мурожаат қилганларнинг аксарияти, ҳеч бўлмаганда кичик, аммо мотивация олишган, яъни уларнинг саъй-ҳаракатлари эътиборсиз қолмаган. Бу ижобий ҳолат.
Реклама ҳуқуқи асосида.
Изоҳ (0)