Франциянинг France Football нашри футбол тарихидаги энг яхши дарвозабон номини маълум қилди.
Унга кўра, «Динамо Москва» клуби ва собиқ СССР терма жамоаси дарвозабони Лев Яшин ғолиб деб топилди.
Ушбу соврин учун шунингдек, Гордон Бенкс (Англия), Тома Нконо (Камерун), Жанлуижи Буффон (Италия), Петер Шмейхель (Дания), Икер Касильяс (Испания), Эдвин ван дер Сар (Нидерландия), Зепп Майер (Германия), Мануэль Нойер (Германия), Дино Зофф (Италия) каби дарвозабонлар даъвогар эди.
Ғолиб «Олтин тўп» соврини овоз бериш жараёнида иштирок этадиган 140 нафар журналист ўртасидаги сўровномага кўра аниқланди.
Лев Яшин бутун футболчилик фаолиятини Москванинг «Динамо»сида ўтказган. У 1963 йилда «Олтин тўп» совринига эга чиққан ва ушбу натижага эришган тарихдаги ягона дарвозабон ҳисобланади. Лев 1990 йилнинг марти 60 ёшида вафот этган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)