Ҳар бир аёл ўзига вақт ажратиши, саломатлиги ҳақида қайғуриши керак. СПА-муолажалари эса хотин-қизларнинг териси, кўриниши яхшиланиши учун айни муддао ҳисобланади. Бундай салонларга ташриф буюришга вақт ёки иложи йўқлар учун уйда бажариш мумкин бўлган муолажалар кетма-кетлиги билан бўлишамиз.
Скраб
Уйда скраб тайёрлашда асос сифатида исталган ўсимлик ёғидан фойдаланиш ва унга туз, шакар, қаҳва, майдаланган сули ёрмаси қўшишингиз мумкин.
Оёқ учун пилинг — тузли скраб
Тузли скраб тайёрлаш учун ярим стакан денгиз тузига 2 ош қошиқ зайтун ёки ўсимлик ёғи қўшиб аралаштиринг. Бундай скрабдан фойдаланиш лимфа тизими фаолиятини яхшилайди ва шишлар учун профилактика ҳисобланади.
Қўл учун пилинг — шакарли скраб
Қўл териси қуриб қоладиган бўлса ва оддий кремлар фойда бермай қўйга бўлса, шакар қўшиб тайёрланадиган скрабдан фойдаланиб кўринг. Бунинг учун шакарга ёғ қўшинг ва қўлларингизга суртиб ишқаланг.
Тана учун пилинг — қаҳвали скраб
Тери бахмал каби силлиқ бўлиши учун ярим стакан майдаланган қаҳвага қайнаган сув солинг ва бўтқа ҳолига келтиринг. 2-3 қошиқ ёғли сметана қўшинг ва скраб тайёр.
Юз учун пилинг — сули ёрмаси ва ёнғоқдан тайёрланадиган скраб
Ёнғоқ ва сули ёрмасини тенг нисбатда қўшиб блендерда аралаштиринг.
Мой
Мойдан нафақат терини массаж қилишда, балки ниқоб тайёрлашда ҳам фойдаланилади.
Қўллар учун ванна
Мойни 39-40 даража ҳароратда қиздиринг ва қўлларингизни 10—15 дақиқа ичига солинг. Кейин қўлингизни қоғоз сочиқ билан артиб ташланг.
Шифобахш ўтлар
10 га 10 ўлчамда эски чойшаб ёки бошқа бир матони кесиб олинг. Унга қуритилган ўтли аралашма солинг. Мойчечак, ялпиз ва бошқа ўтлардан фойдаланиш мумкин. Мато четларини қопчага ўхшаб бирлаштиринг. Бундай қопчалардан соч ва терини парваришлаш учун печда 37-38 даража қиздириб юз массажи учун ҳам фойдаланса бўлади.
Тошлар ёрдамида товонларни массаж қилиш
Оёқларингизни ванна қилиш учун тоғора ичига силлиқ ва бир хил ўлчамдаги тошлар солинг. Муолажа давомида товонларни 2-3 дақиқа давомида тошга ишқаланг.
Юз учун тошли массаж
Бундай муолажадан кейин терингиз янгилангандек туйилади. Бунинг учун иккита думалоқ шаклдаги силлиқ тош керак бўлади. Улардан бирини иссиқ сувга иккинчисини эса музлаткичга солинг. Юзни биринчи иссиқ кейин эса совуқ тош билан ишқаланг.
Изоҳ (0)