Бугун,

  • USD 11095.31
  • RUB 173.84
  • EUR 10772.44

Тошкентдаги Сергели туманини иссиқлик энергияси билан таъминловчи «Тошиссиққувати» ДУКга қарашли «Саноат Энергия» қозонхонасида йирик миқдордаги табиий газ ўғирлангани аниқланди. Бу ҳақда Энергетика вазирлиги матбуот хизмати хабар берди.

Фото: Энергетика вазирлиги матбуот хизмати

Фото: Энергетика вазирлиги матбуот хизмати

Ўғирлик 5 декабрь куни, иссиқлик таъминоти корхоналарини табиий газ билан таъминлаш тизимини ўрганиш жараёнида аниқланган. Қайд этилишича, «Саноат Энергия» қозонхонаси ижтимоий аҳамиятга эга бўлган стратегик объект бўлганлигини инобатга олиб, унинг бир маромда ишлашини таъминлаш мақсадида (бошқа ташкилотларни табиий газдан узган ҳолда) узлуксиз равишда табиий газ етказиб берилмоқда.

Шунга қарамасдан, корхона раҳбари қозонхонага кириш газ қувурига қозонхонанинг газ ҳисобдонидан олдин ўзбошимчалик билан уланиб, қозонхона ҳудудидаги бинода табиий газдан ноқонуний равишда фойдаланган ҳолда оҳак ишлаб чиқариш фаолиятини йўлга қўйган.

Фото: Энергетика вазирлиги матбуот хизмати

Фото: Энергетика вазирлиги матбуот хизмати

Қозонхона биносининг ички қисмида оҳак пишириш учун 2 та печ ва 12 та ностандарт газ горелкаларининг табиий газ таъминоти тизимига резина шланг орқали улангани аниқланган. Оҳак печларининг бирида тайёр маҳсулот, иккинчисида оҳак тошлари бўлган.

Фото: Энергетика вазирлиги матбуот хизмати

Фото: Энергетика вазирлиги матбуот хизмати

Дастлабки ҳисоб-китобларга кўра, ушбу объектда табиий газни ноқонуний истеъмол қилиш ҳажми 571,3 минг куб метрни ҳамда ушбу ноқонуний хатти-ҳаракатлар натижасида газ таъминоти ташкилотларига етказилган зарар 571,3 миллион сўмдан зиёдни ташкил этмоқда. Мазкур 571 минг метр куб табиий газ ўртача 950 та ҳовли уйларнинг бир ойлик эҳтиёжини қондириш имконини беради.

«Ҳудудгазтаъминот»нинг маълум қилишича, совуқ тушиши билан пойтахтдаги кўп қаватли уйларнинг эгалари квартираларидаги иссиқлик таъминоти талаб даражасида эмаслиги ёки умуман иситиш тизимининг йўқлиги билан боғлиқ шикоятлар кўпайди. Куз-қиш мавсумида иссиқлик таъминоти учун масъул бўлган қозонхоналар вакиллари баҳона сифатида бунинг сабаби қилиб, газ етказиб беришдаги босимнинг пастлиги билан изоҳлаганди.

Айни пайтда «Ҳудудгазтаъминот»нинг Моддий ресурслардан оқилона фойдаланиш ва коррупцияга қарши сиёсатни амалга ошириш бошқармаси ходимлари томонидан Бош прокуратура, Давлат хавфсизлик хизмати ва «Ўзнефтгазинспекция» билан ҳамкорликда қиш мавсуми даврида табиий газни ўғирлаш билан боғлиқ ҳолатлар фош қилиниши давом этмоқда.

Қайд этилган қонунбузарлик ҳолатлари бўйича барча далил ва ҳужжатлар эса ҳуқуқни муҳофаза қилиш идораларига тақдим этилган.

Изоҳ
Асосий янгиликлар
Маҳаллий
Андижондаги заправкада навбатсиз киришга уринган ҳайдовчи бир неча ИИБ ходимлари томонидан ушланди (видео)
Иқтисодиёт
Ўзбекистонда нархларнинг ўсиши суръати январь ойида пасая бошлади
Маҳаллий
Тошкентда 12 ёшли қизнинг мурдаси зўрлик ва қотиллик аломатлари билан топилди