Иззатбек Жўраев Тошкент шаҳар ҳокимининг туризм ва спортни ривожлантириш масалалари бўйича маслаҳатчиси лавозимига тайинланди. Бу ҳақда пойтахт ҳокимлиги матбуот хизмати хабар бермоқда.
У Халқ депутатлари Тошкент шаҳар кенгашининг 28-сессиясида ушбу лавозимга тасдиқланди.
Тайинловга қадар Иззатбек Жўраев Тошкент туризмни ривожлантириш бошқармаси директорининг биринчи ўринбосари бўлиб ишлаган.
Ҳокимнинг туризм ва спортни ривожлантириш бўйича маслаҳатчиси лавозими Президентнинг 2020 йил 19 июндаги фармонига биноан киритилган. Худди шундай лавозимлар Туризмни ривожлантириш давлат қўмитасининг тегишли ҳудудий бўлинмаларида битта штат бирлиги қисқарилиши ҳисобига Андижон, Жиззах, Қашқадарё, Наманган, Навоий, Сирдарё, Сурхондарё ва Фарғона вилоятларида пайдо бўлди.
Бундан ташқари, Тошкент, Самарқанд, Бухоро ва Хоразм вилоятларида туризмни ривожлантириш масалалари бўйича ўринбосари ўрнига тегишли равишда ҳокимнинг туризм ва спортни ривожлантириш масалалари бўйича ўринбосари лавозими жорий этилди.
Тошкент тумани ҳокими ўринбосари Тўра Боболовга биринчи ўринбосар этиб тайинлангани, Қурилиш вазири ўринбосари Жарқўрғон туманига ҳоким бўлгани, Сурхондарё ҳокимининг собиқ ўринбосари Шерободга ҳоким этиб тайинлангани хабар берилганди.
Изоҳ (0)