Футбол бўйича Ла Лига 12-турида «Барселона» 5 декабрь, шанба куни «Кадис» меҳмони бўлди.
Майдон эгалари учрашувдаги дастлабки хавфли ҳужумини гол билан якунлади: 8-дақиқада Альваро Хименес ҳисобни очди. Иккинчи бўлим дебютида Педро Алкала ўз дарвозасини ишғол қилиб қўйди.
Бироқ орадан кўп ўтмай Альваро Негредо мезбонларнинг иккинчи тўпини киритди. Қолган вақтда каталонлар ҳарчанд уринмасин, ҳисобдаги фарқни йўққа чиқара олмади.
Ушбу ғалабадан кейин «Кадис» 18 очко билан 5-ўринга кўтарилди, «Барселона» (14) 7-поғонада кетмоқда.
Эслатиб ўтамиз, «Кадис» Примеранинг 6-турида «Реал»ни мағлуб этганди (1:0).
«Атлетико» ўз майдонида «Вальядолид»ни қабул қилди. Тома Лемар ва Маркос Льорентенинг голлари мадридликларга ғалаба олиб келди. «Матрасчилар»нинг очколари 26 тага етди ва жамоа пешқадамга айланди.
Ла Лига
12-тур баҳслари
5 декабрь, шанба
«Кадис» — «Барселона» 2:1
Голлар: 1:0 – 8 Хименес, 1:1 – 57, автогол Алкала, 2:1 – 63 Негредо.«Кадис»: Ледесма, Карселен, Эспино, Фали Хименес, Маркос Мауро (Алкала, 31), Бодижер, Йонссон (Аугусто Фернандес, 80), Алекс Фернандес, Искердо (Алехо, 81), Переа (Адекане, 80), Хименес (Негредо, 62).
«Барселона»: тер Штеген, Лангле, Альба, Дест (Тринкау, 77), Мингеса (Педри, 46), Бускетс (Пьянич, 78), Коутиньо (Дембеле, 46), де Йонг, Гризманн, Месси, Брэйтуэйт.
Огоҳлантиришлар: Лангле (61), Альба (86).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)