Футбол бўйича Англия чемпионатининг 11-турида «Манчестер Юнайтед» 5 декабрь, шанба куни «Вест Ҳэм» меҳмони бўлди.
Учрашувнинг 38-дақиқасида Томаш Соучек лондонликларни ҳисобда олдинга олиб чиқди. Бунга манчестерликлар иккинчи бўлимда учта гол билан жавоб қайтарди.
65-дақиқада Пол Погба узоқ масофадан фантастик зарба йўллаб, мувозанатни тиклади. Орадан уч дақиқа ўтиб, Мэйсон Гринвуд меҳмонларнинг иккинчи голини урди. 78-дақиқада Хуан Матанинг қойилмақом узатмасидан кейин Маркус Рэшфорд дарвозабон билан бирга-бир вазиятга чиқиб борди ва имкониятни кўкка совурмади.
Шу тариқа Оле-Гуннар Сульшер шогирдларининг очколари 19 тага етди ва жамоа 4-ўринга кўтарилди.
АПЛ
11-тур баҳси
5 декабрь, шанба
«Вест Ҳэм» — «Манчестер Юнайтед» 1:3
Голлар: 1:0 – 38 Соучек, 1:1 – 65 Погба, 1:2 – 68 Гринвуд, 1:3 – 78 Рэшфорд.«Вест Ҳэм»: Фабианьски, Соуфал (Жонсон, 85), Крессуэлл, Бальбуэна, Масуаку, Форнальс (Бенраҳма, 75), Соучек, Боуэн (Лансини, 76), Райс, Огбонна, Аллер.
«Манчестер Юнайтед»: Ҳендерсон, Уан-Биссака, Теллес, Магуайр, Линдельоф, ван де Бек (Бруну Фернандеш, 46), Мактоминей, Погба, Кавани (Рэшфорд, 46), Марсьяль (Мата, 62), Гринвуд.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)