Қозоннинг «Рубин» клуби «Спартак» ярим ҳимоячиси Остон Ўруновга қизиқиш билдирмоқда. Бу ҳақда «Бизнес Online»га таяниб, «Gazeta.ru» хабар қилмоқда.
Таъкидланишича, Татаристон клуби Ўруновни қишки трансфер ойнасида сотиб олмоқчи ва бу борада москваликларга сўров юборган.
Бу маълумотни «Спартак» бош директори Шамил Газизов ҳам тасдиқлади.
Ўрунов ёзги трансфер ойнасида «Уфа»дан 1 миллион евро эвазига пойтахт клубига ўтганди. «Рубин» ёзда ҳам ўзбекистонлик футболчига қизиқиш билдирганди.
Жорий мавсум Остон «Спартак»нинг РПЛ доирасидаги 7 та ўйинида майдонга тушиб, бирорта самарали ҳаракат амалга ошира олмади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)