Futbol bo‘yicha La Liga 12-turida “Barselona” 5-dekabr, shanba kuni “Kadis” mehmoni bo‘ldi.
Maydon egalari uchrashuvdagi dastlabki xavfli hujumini gol bilan yakunladi: 8-daqiqada Alvaro Ximenes hisobni ochdi. Ikkinchi bo‘lim debyutida Pedro Alkala o‘z darvozasini ishg‘ol qilib qo‘ydi.
Biroq oradan ko‘p o‘tmay Alvaro Negredo mezbonlarning ikkinchi to‘pini kiritdi. Qolgan vaqtda katalonlar harchand urinmasin, hisobdagi farqni yo‘qqa chiqara olmadi.
Ushbu g‘alabadan keyin “Kadis” 18 ochko bilan 5-o‘ringa ko‘tarildi, “Barselona” (14) 7-pog‘onada ketmoqda.
Eslatib o‘tamiz, “Kadis” Primeraning 6-turida “Real”ni mag‘lub etgandi (1:0).
“Atletiko” o‘z maydonida “Valyadolid”ni qabul qildi. Toma Lemar va Markos Lyorentening gollari madridliklarga g‘alaba olib keldi. “Matraschilar”ning ochkolari 26 taga yetdi va jamoa peshqadamga aylandi.
La Liga
12-tur bahslari
5-dekabr, shanba
“Kadis” — “Barselona” 2:1
Gollar: 1:0 – 8 Ximenes, 1:1 – 57, avtogol Alkala, 2:1 – 63 Negredo.“Kadis”: Ledesma, Karselen, Espino, Fali Ximenes, Markos Mauro (Alkala, 31), Bodijer, Yonsson (Augusto Fernandes, 80), Aleks Fernandes, Iskerdo (Alexo, 81), Perea (Adekane, 80), Ximenes (Negredo, 62).
“Barselona”: ter Shtegen, Langle, Alba, Dest (Trinkau, 77), Mingesa (Pedri, 46), Buskets (Pyanich, 78), Koutinyo (Dembele, 46), de Yong, Grizmann, Messi, Breytueyt.
Ogohlantirishlar: Langle (61), Alba (86).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)