Дунёда COVID-19 юқтириб олганлар сони 66 миллион кишидан ошди. Бу ҳақда Жонс Ҳопкинс университети маълум қилди.

Фото: «Москва» АА

Коронавирусни юқтириб олганлар сони бўйича етакчилик қилаётган мамлакатлар қуйидагилар:

  • АҚШ — 14,3 миллион;
  • Ҳиндистон — 9,6 миллион;
  • Бразилия — 6,5 миллион;
  • Россия — 2,41 миллион;
  • Франция — 2,32 миллион.

Шунингдек, Буюк Британия, Италия, Испания, Аргентина, Колумбия, Германия, Мексика, Польша ва Эронда касалланиш ҳолатлари сони 1 миллиондан ошган. Вафот этганларнинг энг кўпи АҚШда (279 минг), Бразилияда (175 минг), Ҳиндистонда (139 минг) ва Мексикада (108 минг) қайд этилган.

Аввалроқ бутун дунёда коронавирус инфекциясидан 1,5 миллиондан зиёд киши вафот этгани хабар берилган эди.

Маълумот учун, дунёда коронавирусга чалинганлар сони 5 ноябрь куни 48 миллион, 9 ноябрь куни 50 миллион, 14 ноябрь куни 53 миллион, 26 ноябрь куни 60 миллион, 28 ноябрь куни 61 миллион, 29 ноябрь куни 62 миллион, 4 декабрь куни 65 миллион кишидан ошганди.