Ўзбекистон Соғлиқни сақлаш вазири 2020 йил охири ёки 2021 йил бошларида Россияда яратилган «Sputnik V» вакцинасининг клиник синовларига киришишни мўлжалламоқда. Бу ҳақда идора раҳбари Абдуҳаким Хожибоевга таяниб, «РИА Новости» хабар берди.
Сентябрь ойида Россия тўғридан-тўғри инвестициялар фонди (РТИФ) Ўзбекистоннинг Лахисам фармацевтика компанияси билан мамлакатда 35 миллион доза «Sputnik V» вакцинасини етказиб бериш бўйича келишувга эришганини маълум қилганди. Кейинроқ Лахисам етказиб бериш бўйича республиканинг назорат қилувчи органлари билан мувофиқлаштириш ишлар олиб борилаётганини билдирган.
«РТИФънинг ижобий жавобидан сўнг, йил охирида ёки кейинги йил бошидан ушбу вакцинанинг клиник синовларига киришишни режалаштиряпмиз», — дейди Хожибоев.
«Хитойлик ҳамкорларда ҳозирда клиник синовлар учун Ўзбекистонга ўзининг вакцинасидан 6 минг дозани етказиб келди», — дея қўшимча қилади Хожибоев.
Аввалроқ Ўзбекистон COVID-19 вакцинаси клиник синовларининг барча босқичи якунланмагунича уни сотиб олмаслиги маълум қилинганди. Август ойи бошларида Шавкат Мирзиёев коронавирусга қарши вакцинани харид қилиш масаласини ўрганишга бир ҳафта муддат берганди. Президент топшириғига биноан вакцинани харид қилиш ва мамлакат аҳолисини эмлашни амалга ошириш йўлларини ўрганиб чиқиш мақсадида етакчи олимлар ва тажрибали шифокорлардан иборат ишчи гуруҳ тузилган.
Изоҳ (0)