Бирлашган Араб Амирликлари пойтахти Абу-Дабида ҳудудни ривожлантириш лойиҳаси доирасида бир вақтнинг ўзида тўртта осмонўпар бино портлатилди, деб хабар бермоқда «Korrespondent.net».
Meena Plaza Tower мажмуасининг тўртта биноси бузилишга тушди. Биноларнинг жами баландлиги 144 қаватни ташкил этади.
Маҳаллий ҳукумат маълум қилишича, портлатишлар энг юқори халқаро хавфсизлик стандартларига риоя қилган ҳолда амалга оширилган. Биноларни бузиш учун бор-йўғи 10 сонияча вақт кифоя қилган.
Бинолар анча вақтдан буён фойдаланилмаган, уларнинг ўрнида эса портга олиб борувчи йўл ётқизилади.
Абу-Дабидаги ушбу портлаш одам томонидан бошқарилган дунёдаги энг хавфсиз портлатиш сифатида Гиннес рекордлари китобига киритилди.
Изоҳ (0)