Футбол бўйича Италия А Сериясининг 9-туридан ўрин олган бир қатор учрашувлар 29 ноябрь, якшанба куни бўлиб ўтди.
«Милан» ўз майдонида «Фиорентина»ни қабул қилди. Учрашувнинг 17-дақиқасида Алессио Романьоли мезбонларни олдинга олиб чиқди. 27-дақиқада Франк Кессиэ пенальтини муваффақиятли ижро этган ҳолда, жамоасининг иккинчи голини урди. Биринчи бўлим сўнггида миланликлар ҳисобни йирик кўринишга олиб келиши мумкин эди, бироқ Кессиэ иккинчи пенальтидан фойдалана олмади.
Иккинчи бўлимда Стефано Пиоли шогирдлари вазиятни назорат қилишга эришди ва ушбу ҳисоб ўйин якунига қадар сақланиб қолди.
Шу тариқа «Милан» очколарини 23 тага етказиб олди ва энг яқин таъқибчиларни беш очкога ортда қолдириб, пешқадамлик қилмоқда.
«Лацио» ўз майдонида «Удинезе» билан ўйнади ва кутилмаганда мағлубиятга учради.
А Серия
9-тур баҳслари
29 ноябрь, якшанба
«Милан» — «Фиорентина» 2:0
Голлар: 1:0 – 17 Романьоли, 2:0 – 27, пенальти Кессиэ.«Милан»: Доннарумма, Тео, Калабрия, Романьоли, Кер, Тонали (Ҳеуге, 82), Чалхонўғлу, Ребич, Кессиэ, Браим Диас (Крунич, 75), Салемакерс (Диогу Далот, 90).
«Фиорентина»: Дронговски, Пеццелья, Касерес (Лирола, 60), Бираги, Миленкович, Кастровилли (Валеро, 77), Рибери (Кутроне, 68), Амрабат, Пульгар, Кальехон (Бонавентура, 46), Влахович (Куаме, 77).
Огоҳлантиришлар: Пеццелья (25), Ребич (45), Кастровилли (52), Кессиэ (71), Бираги (86), Амрабат (90).
«Лацио» — «Удинезе» 1:3
Голлар: 0:1 – 18 Арслан, 0:2 – 45 Пуссетто, 0:3 – 71 Foresterи, 1:3 – 74, пенальти Иммобиле.«Болонья» — «Кротоне» 1:0
Гол: 1:0 – 45 Сориано.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)