Футбол бўйича Англия Премьер Лигаси 10-турининг марказий ўйини 29 ноябрь, якшанба куни «Челси» ва «Тоттенҳэм» жамоалари ўртасида кечди.
Учрашувнинг биринчи бўлими тенг курашлар остида ўтди. Ҳужумларда Фрэнк Лэмпард шогирдлари фаолроқ бўлган бўлса, хавфли вазиятлар борасида «шпорлар» ажралиб турди.
Танаффусдан кейин «кўклар» ташаббусни тўлиқ ўз қўлига олди. Бироқ «Челси» футболчилари рақиб ҳимоясини ёриб ўта олмади ва ҳисоб ўйин якунига қадар ўзгармади.
«Тоттенҳэм» очколарини 21 тага етказиб олган ҳолда биринчи ўринга қайтди. «Челси» (19) эса 3-ўринга кўтарилди.
Жозе Моуриньо жамоаси кейинги турда «Арсенал»га қарши баҳс олиб борса, «Челси»ни «Лидс»га қарши ўйин кутиб турибди.
АПЛ
10-тур баҳси
29 ноябрь, якшанба
«Челси» — «Тоттенҳэм» 0:0
«Челси»: Менди, Чилуэлл, Зума, Жеймс, Тиаго Сильва, Маунт, Канте, Ковачич, Зиёш (Ҳаверц, 83), Абраҳам (Жиру, 79), Вернер (Пулишич, 74).«Тоттенҳэм»: Льорис, Регилон, Орье, Родон, Дайер, Ҳёйбьерг, Сиссоко, Бергвейн (Дэвис, 89), Ндомбеле (Ло Чельсо, 65), Сон Ҳён Мин (Лукас Моура, 90), Кейн.
Огоҳлантиришлар: Зиёш (29), Бергвейн (50), Жеймс (53), Зума (55), Маунт (76), Регилон (89).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)