Muxlislar qalbidan joy olgan turk kinosanoati vakillari boshqa davlat ijodkorlari va rejissorlari e’tiborini ham jalb etgan.
Jansu Tosun
“Chuqur” serialidagi Vartalu roli bilan yaxshi tanish bo‘lgan Erkan Kolchak Kostendile bilan turmush qurgan aktrisa Jansu Tosun 1988-yilda dunyoga kelgan.
U Fransiya kinoijodkorlari tomonidan 2019-yilda suratga olingan “Anna” filmida suratga tushgan. Film rejissori — Lyuk Besson. 80-yillardagi voqealarga asoslangan film KGBda faoliyat yuritadigan Anna ismli qiz haqida hikoya qiladi. Jansu mazkur filmda ikkinchi darajali qahramon rolini ijro qilgan.
Meltem Jumbul
Meltem Jumbul 1969-yilda dunyoga kelgan. Aktrisa “Muhtasham yuz yil” serialidagi Fatma sulton roli bilan yaxshi tanish.
U 2010-yilda “Ayt menga, Tangri” nomli filmda Rishi Kapur gavdalantirgan qahramonning rafiqasi rolini ijro qilgan. Film rejissori mashhur Xema Malini bo‘lgan.
Saadet Aksoy
1983-yilda dunyoga kelgan aktrisa “Muhtasham yuz yil” serialida suratga tushgan. U 2012-yilda Italiyaning “Ikki marta tug‘ilish” nomli filmida rol o‘ynagan.
Serjio Kastellitto rejissori bo‘lgan mazkur film Margaret Madzantini asarining ekranizatsiyasi hisoblanadi, unda Penelopa Krus bosh rolni ijro qilgan.
Belchim Bilgin
1983-yilda dunyoga kelgan aktrisa “Sevgi tasodiflarni sevar” filmidagi roli bilan yaxshi tanish. U 2018-yilda Daniya, Kanada va AQSh tomonidan hamkorlikda suratga olingan “Boshlang‘ichlar uchun sotqinlik” trillerida bosh qahramon rolini ijro qilgan.
Xaluk Bilginer
1954-yil dunyoga kelgan aktyorning so‘nggi eng esda qolarli ijrolaridan biri 2018-yilda suratga olingan “Shaxsiyat” seriali bo‘lgan va unda Alsgeymer kasalligiga chalingan qotilni gavdalantirgan.
Bundan tashqari, u Gollivudda ham bir necha marta rol ijro qilishga muvaffaq bo‘lgan. 1992-yilda “Yosh Indiana Jonsning sarguzashtlari”, 2001-yilda “Buffalo askarlari” va 2009-yilda “The International” filmida suratga tushgan. 2016-yil aktyor “Ben-gur” filmida, shuningdek, “Xellouin” filmida psixiatr rolini ijro qilgan.
Sibel Kekilli
Kelib chiqishi turk bo‘lgan nemis aktrisasi Sibel Kekilli 1980-yilda dunyoga kelgan. U “Taxtlar o‘yini”da Shai rolini ijro qilgan.
Mehmet Gunsur
1975-yilda dunyoga kelgan aktyor “Muhtasham yuz yil” serialidagi roli bilan yaxshi tanish.
U 2007-yilda Amerikaning detektiv janrida suratga olingan “Fall Down Dead” filmida suratga tushgan.
Yilmaz Erdo‘g‘on
“Kapalakning tushi” nomli tarixiy filmdagi ijrosi bilan yaxshi tanish bo‘lgan aktyor amerikalik kinoijodkorlar tomonidan suratga olingan “Suv axtaruvchilar” filmida Rassel Krou bilan birga suratga tushgan.
Izoh (0)