Бу йил Ўзбекистонда ОТМларга кириш имтиҳонлари абитуриентлар учун ўзига хос, ноанъанавий ва албатта, ҳаяжонларга бой тарзда ўтди. Аввалги йиллардан фарқли равишда, бу йил талаба бўлиш иштиёқидаги талабалар учун кенг имкониятлар берилди. Имтиҳонларнинг онлайн тарзда ўтиши эса абитуриентларга хорижий университетларга ҳам ҳужжат топшириш имконини берди. Шунга қарамай, рақобат кучли бўлгани туфайли талабаликка тавсия этилмай қолган ёшлар ҳам оз эмас.
Ғолиблар бор жойда мағлублар ҳам бўлади, албатта. Бу табиий жараён. Муҳими, ана шу мағлубиятни ўз фойдангизга ўзгартира олишдир. Ҳозирда Марказий Осиё минтақасида кўплаб нуфузли олийгоҳларнинг филиаллари ўз фаолиятини йўлга қўйганини ҳисобга олсак, имкониятлар етарли. Шундай бўлса-да, билимга чанқоқ, аммо молиявий шароити бўлмаган ёшлар олий таълимдан бебаҳра қолиб кетишяпти.
Американинг Марказий Осиё таълим жамғармаси ана шундай ёшларни қўллаб-қувватлаш мақсадида махсус стипендия дастурини ишлаб чиқди.
Тадбиркорликни қўллаб-қувватлашга қаратилган мазкур стипендия дастури (U.S.-CAEF Enterprise Fellowships) U.S.-CAEF фонди ва АҚШ давлат департаменти томонидан молиялаштириладиган, Халқаро таълим бўйича Америка кенгашлари бошқарувидаги академик грант бўлиб, Американинг Марказий Осиё таълим жамғармаси олий таълим олишга молиявий имконияти бўлмаган иқтидорли ёшларга минтақадаги етакчи университет — Марказий Осиёдаги Америка университетида таҳсил олиш учун (American University of Central Asia) танлов асосида стипендиялар тақдим этади.
Дастур тўлиқ тўрт йиллик ўқиш даврини ўз ичига олади. Таълум учун тўловлардан ташқари, грант дастури ҳар ойлик стипендия ва уй-жой билан таминлайди, сафар харажатларини ҳам қоплаб беради.
Университет (AUCA, Бишкек, Қирғизистон) қуйидаги йўналишлар:
- бизнес бошқаруви;
- иқтисодиёт;
- дастурий таъминот; (Software Engineering)
- амалий математика ва информатика бўйича таълим олмоқчи бўлган ёшларни молиявий қўллаб-қувватлайди.
Эътиборли жиҳати шундаки, танлов шартлари жуда содда тузилган бўлиб, унда Ўзбекистон фуқароси бўлган, юқоридаги йўналишлардан бирида таълим олишга қизиқадиган, аммо молиявий имконияти етмайдиган абитуриентлар қатнашиши мумкин. Шунингдек, қатнашчиларнинг U.S.-CAEF ва Америка кенгашлари ходимлари билан қариндошлик алоқалари бўлмаслиги, ариза топшириш пайтида AUCA талабаси ҳисобланмаслиги талаб этилади.
Номзодларни саралаш танлов асосида амалга оширилади. Имтиёзлар таълимда юқори натижаларга эришган, етакчилик фазилатларига эга ва иқтисодий-жамиятда бизнесни ривожлантириш иштиёқи бор, аммо молиявий қийинчиликлар сабаб университетда ўқиш учун пул тўлай олмайдиган, кам таъминланган талабаларга берилади.
Барча абитуриентлар Марказий Осиёдаги Америка университетининг (AUCA) кириш имтиҳонларини мустақил равишда топширишлари шарт. Бу U.S.-CAEF дастурига ариза беришдан алоҳида жараён. Фақатгина университет талабасига айланганлар U.S.-CAEF финалчилари сифатида танланиши мумкин. Танловда қатнашиш учун қуйидаги ҳавола орқали онлайн ариза тўлдириш зарур. ҳттпс://ауcа.кг/эн/маин/
Ушбу таълим дастурига АҚШ давлат департаменти ҳомийлик қилади, халқаро таълим бўйича Америка Кенгашлари эса унинг фаолиятини назорат қилиб боради. Агар юқоридаги талабларга мос келсангиз имкониятни қўлдан бой бермай, омадингизни синаб кўринг.
Унутманг! Ҳар қандай муваффақият сизга арзимасдек кўринган кичик қадамлардан бошланади. Танловда қатнашиб ўзингиз учун ана шу илк қадамни ташланг ва орзуларингизни рўёбга чиқаринг.
2021 йил учун дастур шартлари билан https://uscaef.org ҳаволаси ёки Instagram ва Facebook’даги расмий саҳифалар орқали батафсил танишиш мумкин. Аризалар 2021 йил 11 январгача кабул килинади.
E-mail: uscaef.uz@americancouncils.орг
Facebook: https://www.facebook.com/Ameri...
Instagram: AmericanCouncils.Уз
Telegram: ҳттпс://т.ме/АCCЕЛС
Реклама ҳуқуқи асосида.
Изоҳ (0)