Футбол бўйича Англия чемпионатининг 9-турида «Манчестер Юнайтед» 21 ноябрь, шанба куни «Вест Бромвич»ни қабул қилди.
Учрашувнинг биринчи бўлимида кичик устунлик мезбонлар томонида бўлди, бироқ танаффусга қадар ҳисоб очилмади. Иккинчи бўлим дебютида Бруну Фернандеш пенальтини аниқ ижро этган ҳолда ҳисобни очди. Мазкур ҳисоб ўйин якунига қадар ўзгармай қолди.
Ушбу ғалабадан кейин «Манчестер Юнайтед» очколарини 13 тага етказиб олган ҳолда 9-ўринга кўтарилди. «Вест Бромвич» (3) эса 18-поғонада бормоқда.
АПЛ
9-тур баҳслари
21 ноябрь, шанба
«Манчестер Юнайтед» — «Вест Бромвич» 1:0
Гол: 1:0 – 56, пенальти Бруну Фернандеш.«Манчестер Юнайтед»: Де Хеа, Линдельоф, Уан-Биссака, Теллес, Магуайр, Мата (Кавани, 63), Бруну Фернандеш, Матич, Фред (Мактоминей, 84), Марсьяль, Рэшфорд (ван де Бек, 79).
«Вест Бромвич»: Жонстон, Таунсенд, Бартли, Иванович (Кровинович, 79), Ферлонг, Соерс, Диангана (Робсон-Кану, 62), Матеус Перейра, Галлахер, Ажайи, Грант (Робинсон, 62).
Огоҳлантиришлар: Галлахер (76), Кавани (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)