Билл Гейтс пандемия сабаб хизмат сафарлари 50 фоизга, офисдаги иш кунлари 30 фоизга қисқаришини тахмин қилди
Microsoft компанияси асосчиси, миллиардер Билл Гейтс пандемия сабаб бизнес юритиш ва ишга муносабат кескин ўзгариб кетади деб ҳисобламоқда, дея ёзган CNBC.
Миллиардернинг фикрича, коронавирус устидан ғалабага эришган компанияларнинг аксарият ходимлари масофадан туриб ишлашда давом этади, хизмат сафарларининг сони ҳам 50 фоизга қисқаради, шунингдек, ишчи учрашувлар «олтин стандарт» бўлмай қолади.
«Менимча, хизмат сафарларининг 50 фоизи ва офисдаги иш кунларининг 30 фоизи йўқ бўлиб кетади», — деган Билл Гейтс Деалбоок конференцияси вақтида New York Times’га берган интервьюсида.
Мавзуга доир: Билл Гейтс коронавирусга қарши дастлабки вакциналар самарадорлиги идеал бўлмаслиги мумкинлигини айтди
«Айрим компаниялар масофадан туриб ишлашга радикал муносабатда бўлади» — деган Гейтс Twitter’нинг ўз ходимларига доимий равишда уйдан туриб ишлашга рухсат берганига шама қилиб.
Microsoft асосчиси видеоконференсалоқа орқали ўтказиладиган учрашувларнинг бевосита ўтадиган тадбирлардан фарқли томони уларда бошқа кишилар билан яқинроқ танишиш имкони йўқлигида эканини қайд этди.
Кўплаб технологик компаниялар пандемия бошланганидан кейин иш фаолиятини қайта кўриб чиққан. Twitter — ходимларини масофадан ишлашга ўтказган ва уларнинг офисга қайтмасдан ишлаши мумкинлигини билдирган ягона компания эмас. Facebook ҳам ўз ходимларининг уйдан ишлашига рухсат берган, аммо айрим ҳолатларда уларнинг маоши қисқартирилади.
Аввал Билл Гейтснинг энг яхши ходимларни ёллаш ва компанияда сақлаб туриш лозимлиги ҳақида маслаҳат берганди.
Мавзуга доир: Гейтс ниқоб тақишни истамаганларни нудистларга ўхшатди
