Россияда сўнгги суткада 24 318 кишида COVID-19 қайд этилди, деб хабар бермоқда Meduza. Мамлакатда пандемия бошидан буён жами 2 039 926 кишида коронавирус аниқланган.
Янги аниқланган ҳолатларнинг энг кўпи Москва (суткасига 6902 нафар), Санкт-Петербург (+2394) ва Москва вилоятида (+887) қайд этилган.
Коронавирусга қарши курашиш тезкор штаб маълумотларига кўра, сутка давомида 461 киши, пандемия бошланганидан буён эса 35 311 киши коронавирусдан вафот этган. Бундан бир кун аввал 463 киши вафот этиб, суткалик ўлим ҳолатлари бўйича пандемия бошланганидан буён янги юқори кўрсаткич бўлганди.
Бир суткада COVID-19 беморларининг 24 758 нафари, пандемия бошлангандан буён эса 1 551 414 нафари соғайган. Айни пайтда Россияда коронавирусга чалинган 453 201 киши даволанмоқда.
«Роспотребнадзор» маълумотларига кўра, мамлакатда сўнгги 24 соатда коронавирусни аниқлаш учун 596 мингта, пандемия бошланганидан буён эса 71,2 миллиондан ортиқ тест ўтказилган.
Жонс Ҳопкинс маълумотларига кўра, Россия коронавирус қайд этилганлар сони бўйича дунёда АҚШ, Ҳиндистон, Бразилия ва Франциядан кейин бешинчи ўринда.
Изоҳ (0)