Аввалроқ сенатор Фармон Тошев Сенатнинг 9-ялпи мажлисида электр муаммосидан нолиб парламент юқори палатаси раҳбари Танзила Норбоевага мурожаат қилгани ҳақида хабар берилган эди.
Жумладан, Тошев «Интернетни очиб қаранг, ҳамма ерда битта шикоят, ягона шикоят, электр йўқ, ўчган. Самарқандда ҳам шу аҳвол, биз мана, ҳозир сенатнинг йиғилишида шунга эътибор қилмасак, ҳозир гапирмасак, у идоранинг одамлари гапирадиганга ўхшамайди»,— деган.
Норбоева бунга жавобан ўзи ҳам сенаторларни эшитаётгани, ҳам мажлис олиб бориб, интернет орқали аҳолининг сенат ялпи мажлисини кузатиб юбораётган саволлари, фикр-мулоҳазаларини таҳлил қилиб ўтирганини айтган.
Мана ҳозир онлайн берилаётгани учун минглаб интернет фойдаланувчилари газ ва электр энергияси муаммосини қачон ҳал қиласизлар, деган саволлар билан бизга мурожаат қилишяпти. Бу ерда камбағалликни қисқартира олмаяпти, ошиб кетяпти, деган гаплар ҳам бор. Энди бу бўйича мана алоҳида бир тушунтириш ўтказишимиз ҳамда ишларни кучайтиришимиз керак ҳақиқатан ҳам. Электр, газ йўқ, ёзилаётган қанча савол бўлса, шуларнинг ҳаммаси бир хил. Бизда газ, свет йўқлигини эшитасизларми ўзи, журналист ва блогерларни, аҳолининг гапларини кузатасизларми ўзи, дея савол беришяпти. Албатта, кузатамиз. Шу ерда ўтириб ҳам юзлаб, минглаб изоҳларни ўқиб ўтирибмиз. Шундай экан, ҳурматли ҳамюртлар, мен сизларга ОАВ орқали ваъда бераман, бизнинг тегишли қўмитамиз, яъни Бюджет ва иқтисодий ислоҳотлар масалалари қўмитаси, бизда газ ва свет бўйича алоҳида қўмита йўқ, шунинг учун мана шу қўмитамиздан илтимос қиламиз. Биз олдин ҳам бу масалани режа қиламиз, деб кўрган эдик. Лекин мана шу минглаб мурожаатларни инобатга олиб, мана шу масалани махсус ўрганиб чиқишингизни сўраймиз. Тез кунларда танқидий йиғилиш ўтказиб кўриб чиқасизлар, керак бўлса, ялпи мажлисга тегишли вазирларнинг ҳисоботларини қўямиз.Танзила Норбоева, Сенат раиси
Норбоева маблағдан муаммо йўқлиги, ҳеч қандай муаммо йўқлиги шароитида нима учун Президент ислоҳотлари, газ ва свет жойларга етиб бормаётгани ҳақида савол берган. Ушбу масала тез кунларда кўриб чиқилиши, ялпи мажлисни ҳам кутмасдан, қўмиталар мажлисида ўрганилиши, керак бўлса, ялпи мажлисга олиб чиқилиши, давлат раҳбарига, албатта, бу масала бўйича ахборот берилишини таъкидлаган.
Изоҳ (0)