Тошкент шаҳридаги Наврўз тўйхонаси реконструкция қилиниб, қатор лойиҳалар амалга оширилади. Бу ҳақда «Ўзбекистон 24» телеканалида маълум қилинди.
Тошкент шаҳар ҳокими ўринбосари Шароф Раҳмоновнинг таъкидлашича, тўйхона тўлиқ реконструкция қилиниб, атрофи сайилгоҳга айлантирилади.
«‘Наврўз’ тўйхонаси ўрнига ичини реконструкция қилган ҳолда бинонинг 2-қаватида 2000 квадрат метрдан кўп бўлган жойда биз Тошкент шаҳридаги барча инвестиция лойиҳалари тақдимоти ва давлат иштирокидаги давлат улуши бор корхоналарнинг Showroom’и ташкил этилади.
Бундан ташқари, бинонинг 1-қаватида ишсизлар биржаси бўлиб ўтади. Бу лойиҳа Меҳнат вазирлиги билан биргаликда амалга оширилади.
‘Темир дафтаръга тушган ишсиз аҳоли шу ерга келиб, мутахассислиги бўйича ўзига маъқул келадиган ишни топиш имконияти бўлади», – дейди Шароф Раҳмонов.
Ҳоким ўринбосари бино атрофидаги асосий қисм аҳоли учун сайилгоҳга айлантирилиши ҳақида ҳам маълум қилган.
Аввалроқ Президент Шавкат Мирзиёев Яшнобод туманидаги Технопарк фаолияти билан танишган эди.
Изоҳ (0)