2020 йил 18 ноябрдаги Президент фармойиши билан Бухоро вилояти божхона бошқармасига янги раҳбар – Навоий вилояти божхона бошқармаси бошлиғи лавозимида ишлаган Баҳодир Қутлимуратов тайинланди. Бу ҳақда Бухоро вилояти ҳокимлигининг ахборот хизмати хабар берган.
Баҳодир Қутлимуратов 1983 йил 4 апрелда Хоразм вилояти Урганч туманида туғилган. 2015–2017 йилларда Самарқанд вилояти божхона бошқармаси бошлиғи ўринбосари, 2017–2020 йилларда Навоий вилояти божхона бошқармаси бошлиғи лавозимлари фаолият олиб борган.
Бухоро вилояти божхона бошқармаси бошлиғи вазифасида ишлаб келган Салимов Дониёр Баҳриддинович божхона институтининг молия-иқтисод ва хўжалик ишлари бўйича ўринбосари лавозимида фаолиятини давом эттиради.
Шунингдек, Президент фармойиши билан бошқа бир қатор ҳудудий бўлинмалар, жумладан Самарқанд, Навоий ва Хоразм вилоятлари ҳудудий божхона бошқармалари бошлиқлари тайинланган. Бу ҳақда Давлат божхона қўмитаси ахборот хизматига таяниб «Kun.uz» хабар берди.
Божхона хизмати полковниги Юсупов Дониёр Таваккалжонович Навоий вилояти божхона бошқармаси бошлиғи лавозимига тайинланган. Бунга қадар Д.Юсупов Самарқанд вилояти божхона бошқармаси бошлиғи лавозимида хизмат олиб борган.
Давлат божхона қўмитаси Божхона институти бошлиғининг молия-иқтисод ва хўжалик ишлари бўйича ўринбосари лавозимида ишлаган божхона хизмати полковниги Мирзараҳимов Якуб Ҳакимович Самарқанд вилояти божхона бошқармаси бошлиғи лавозимига тайинланди.
Муқаддам Қорақалпоғистон Республикаси божхона бошқармаси бошлиғининг биринчи ўринбосари лавозимида фаолият олиб борган божхона хизмати полковниги Казаков Илҳомбек Базарбаевич Хоразм вилояти божхона бошқармаси бошлиғи лавозимини эгаллаган.
2020 йил февраль ойида Давлат божхона қўмитаси раиси Муроджон Азимов 12 февраль куни Тошкент шаҳар божхона бошқармасида навбатдан ташқари йиғилиш ўтказган ва унда Тошкент шаҳар божхона бошқармаси бошлиғининг биринчи ўринбосари, 2 нафар ўринбосари, бошқарманинг 4 нафар бўлим бошлиғи, 2 нафар божхона пости бошлиқлари, «Арк-булоқ» божхона пости бошлиғи ўринбосари эгаллаб турган лавозимидан озод қилиниб, Тошкент шаҳар божхона бошқармаси бошлиғининг янгиланган таркибдаги ўринбосарлари жамоага таништирилганди.
Изоҳ (0)