Марказий банк Ўзбекистон олтин-валюта захиралари янгиланган статистикасини эълон қилди.
Қайд этилишича, 2020 йил 1 ноябрь ҳолатига кўра расмий захиралар 33,3 миллиард долларни, халқаро захиралар 32,4 миллиард долларни ташкил этди.
Ўзбекистоннинг захиралари заиф диверсификацияланган, шунинг учун деярли барча миқдор олтин (19 миллиард доллар) ва хорижий валютадаги захира активлар (13,9 миллиард доллар) ўртасида тақсимланган.
Захиралар, шу билан бирга, мамлакатнинг «хавфсизлик ёстиқчаси» сифатида қаралади – улар салбий ташқи шок ҳолатларда зарбани камайтирувчи омил сифатида зарур ва захираларнинг етарлилиги шок ҳолатларнинг хусусиятига бевосита боғлиқ.
Мавзуга доир: Марказий банк раиси Ўзбекистон «кўп олтин сотиб юборгани» ҳақидаги гапларга муносабат билдирди
Ўзбекистоннинг олтин-валюта заҳираси май ойидан бери биринчи марта сентябрда қисқарган эди. Сентябрда олтин захираси 18,8 миллиард доллар, хорижий валюта захираси эса 15,4 миллиард долларни ташкил қилган. Октябрь ойида эса олтин захираси 18,6 миллиард доллар, хорижий валюта захираси эса 14,5 миллиард долларни ташкил қилганди.
Изоҳ (0)