Японияда кичик шаҳарча мэрини сайловлардаги ғалаба билан табриклашмоқда. У АҚШ президентлиги сайловларида «ғолиб чиққан»

Икки кун олдин Япониядаги Ямато шаҳри мери Ютака Умэда машҳур бўлиб уйғонди: унинг исми ижтимоий тармоқларда трендга айланиб кетди, Умэдани сайловлардаги муҳим ғалаба билан табриклаш бошланган. Табриклар Ямато аҳолисидан минг маротаба кўп келган, ғалабадан нафақат Япония, балки бутун дунё хурсанд бўлган. Гап АҚШ президентлиги сайловларидаги ғалаба ҳақида кетмоқда, деб ёзади The Guardian.

Маълум бўлишича, 73 ёшли Умэдага «ғалаба»ни унга исм қўйган ота-онаси таъминлаган. Гап шундаки, Ямато мэрининг фамилияси иккита иэроглифдан иборат: 梅田 — бу олхўри ва дала деб таржима қилинади (The Guardian таржимаси). Уларни «умэ» — «ҳа» ва «бай» — «ден» дея талаффуз қилиш мумкин. Исмни англатувчи иэроглифни — 穣 — нафақат «Ютака», балки «Жо» деб ҳам ўқиш мумкин.

Yutaka Umeda, the mayor of a small town in Kumamoto, was catapulted into Internet stardom when someone discovered his name had an alternative pronunciation:

穣 (Jo) 梅田 (Baiden) pic.twitter.com/PyW7itdz1q

— Spoon & Tamago (@Johnny_suputama) November 9, 2020

Умэданинг тан олишича, у трендларга киргач, «шошиб қолган», шунингдек, у Жо Байденни хушлашини таъкидлаган. «Сайловларда худди ўзим ютгандек ҳис қиляпман», — дейди мэр. Умэда NHK ахборот корпорациясига берган интервьюсида Американинг янги президенти билан учрашишни ва унга ўзини «Кумамото префектурасидан Байден» деб таништиришни, шу билан бирга, барчани «мева ейишга» чақиришни хоҳлашини маълум қилган.

「日本のジョー・バイデン」と話題の、梅田穣さんに話を聞きました。#ジョー・バイデンhttps://t.co/IUyDuidLfN pic.twitter.com/EaUqE3jM19

— 読売新聞オンライン (@Yomiuri_Online) November 10, 2020

Бу АҚШдаги президентлик сайловларининг Япониядаги биринчи акси эмас. 2008 йилда Фукуи префектурасидаги Обама шаҳри ҳам машҳурликка эришганди.