Фото: Голливуд жангари фильмларидаги каби кўринишга эга улкан Hummer

АҚШда eBay портали орқали 2003 йилда ишлаб чиқарилган улкан Hummer H2 55 100 доллар эвазига сотувга қўйилди. Йўлтанламас модификацияга учраган «подвеска»сидан ташқари, пулемёт макети билан ҳам жиҳозланган, деб ёзади Motor.

Сотувга қўйилган Hummer H2 модели 2003 йилда Америкадаги машинасозлик компаниясининг буюртмаси билан ясалган. Голливуднинг жангари фильмларидаги каби ноодатий ташқи кўринишга эга йўлтанламас 2004 йилда машҳур Тruckin Маgazine автомобиль журнали муқовасидан жой олган.

Биринчи навбатда Hummer’ни кумушранг ва кўк суратларга эга ёрқин сариқ ранг ажратиб туради. Бундан ташқари, йўлтанламас катта ғилдираклар, қўшимга ёритиш тизими ва капоти устида пулемёт макети билан жиҳозланган. Бироқ модификацияга учраган «махлуқ»нинг ўзига хослиги кўтарилган сариқ жамланмаси бўлиб, унинг ёрдамида автомобилнинг ост қисми билан ер юзасидаги масофа 45 сантиметрга ошган. Йўлтанламас интерьери қора-сариқ рангларда ишланган.

Hummer H2 капоти остидан 312 от кучига эга олти литрли V8 двигатели ўрин олган. Агрегат олти поғонали автомат узатмалар қутиси билан бирга ишлайди.

Айни вақтда 8 минг километр йўл босган автомобиль 55 100 долларга баҳоланмоқда.