Таиланд қироли Маха Ватчиралонгкон (Рама Х) 1 ноябрь куни 40 йил давомида илк бора интервью берди. Монарх Бангкокда ва мамлакатнинг бошқа шаҳарларида давом этаётган норозилик намойишлари юзасидан ўз фикр-мулоҳазаларини билдирган. Бу ҳақда CNN хабар қилди.
Таиланд қироли дастлаб журналистга содир бўлаётган ҳодисаларга изоҳ бермаслигини айтган. Аммо кейин «Биз барибир уларни яхши кўрамиз», – деган ва бу жумлани инглиз тилида уч марта такрорлаган.
Журналистнинг норозилик билдираётган оломон ҳамда ҳукумат ўртасида музокаралар, яъни ўзаро муроса бўлиши ёки бўлмаслиги ҳақида савол берган. Қирол бунга жавобан Таиланднинг муросайи мадора қилувчи мамлакат эканини айтиб жавоб қайтарган.
«Биз нима бўлишидан қатъи назар Таиланд халқини севамиз. Мамлакатимиз тинчликсевар. Юртимни яхши кўраман. Мен жуда бахтлиман, ахир бу ҳақиқий муҳаббат, буни ўзингиз ҳам кўриб, ишонч ҳосил қилишингиз мумкин, шундай эмасми?», – дея қўшимча қилган қиролнинг кенжа қизи.
Намойишчилар бош вазир Прают Чон-Оч ва унинг тарафдорларининг ҳукуматдан кетиши, шунингдек конституцияга ўзгартириш киритилишини талаб қилмоқда.
Аввал Таиланд қироли ўзининг туғилган куни муносабати билан 16 нафар украиналик маҳбусларга амнистия бергани хабар қилинганди. Айримларнинг қамоқ муддати қисқарган, баъзилар озодликка чиқарилган.
Сентябрь ойида Таиланд қироли Маха Вачиралонгкорн (Рама Х) ўзининг расмий маъшуқаси қироличанинг ўрнини эгаллашга урингани учун қамоққа олинган Сининат Вонгватжирапакдининг унвонини тиклаган.
Изоҳ (0)