Футбол бўйича Coca-Cola Суперлига 22-турининг сўнгги ўйини 3 ноябрь, сешанба куни «Сўғдиёна» ва «Металлург» жамоалари ўртасида кечди.
Учрашув тенг курашлар остида ўтди, биринчи бўлимда жамоалар ўртача темпда тўп сурди. Танаффусга қадар ҳисоб ўзгармади.
77-дақиқада меҳмонлар бир ўйинчи кам бўлиб қолди: Саламат Қутибоев иккинчи сариқ карточкасини олиб майдонни тарк этди. Бироқ сондаги устунликдан майдон эгалари унумли фойдалана олмади.
Кейинги турда «Сўғдиёна» жамоаси «Насаф»га қарши баҳс олиб борса, «Металлург» «Бунёдкор» билан куч синашади.
22-турдан сўнг мусобақа жадвали қуйидаги кўринишни олди:
Coca-Cola Суперлига
22-тур баҳси
3 ноябрь, сешанба
«Сўғдиёна» — «Металлург» 0:0
«Сўғдиёна»: Ширинбой Абдуллаев, Сардор Қулматов, Искандар Шойқулов (Даниэль Насриддинов, 72), Санжар Рашидов (Аюбхон Номанов, 46), Жамшид Болтабоев (Баҳодир Насимов, 85), Шоҳруз Норхонов, Жасур Ҳасанов, Шавкат Муллажонов, Жавоҳир Қаҳрамонов, Шоҳбоз Жўрабеков, Марко Колакович.«Металлург»: Александр Лобанов, Дониёр Нарзуллаев (Шаҳзодбек Ғофурбеков, 84), Саламат Қуттибоев, Шаҳзод Убайдуллаев, Муродбек Бобожонов (Зоҳид Абдуллаев, 84), Камолиддин Тожиев (Даврон Анваров, 62) (Худойшукур Сатторов, 78), Ихтиёр Тошпўлатов, Станислав Андреев, Андрей Шипилов, Муҳаммад Исаев, Евгений Чумак.
Огоҳлантиришлар: Қутибоев (30), Жўрабеков (53), Шипилов (56), Қулматов (71), Насриддинов (80), Абдуллаев (86).
Четлатиш: Қутибоев (78).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)