«Барселона» президенти вазифасини бажарувчи Карлес Тускец клубнинг айни дамдаги молиявий ҳолати ва уни оптималлаштириш учун қандай ишлар олиб борилиши зарурлиги ҳақида гапирди.
Биз барча иштирокчилари ва гувоҳларидан алоҳида қарорларни талаб қиладиган ноёб бир даврда яшаяпмиз.Қайд этиш жоиз, каталон клуби ортда қолган молиявий йил якунларига кўра клуб 97 миллион евро миқдорида зарар кўрди. Раҳбарият янги ҳисобот даврида вазият янада оғирлашиб кетишидан хавотирда.Клуб бюджетида мувозанатни таъминлаш учун биз харажатларни 300 миллион еврога камайтиришимиз зарур. Комиссия коронавирус пандемияси таъсирини чеклаш бўйича баъзи чораларни кўришни мақсадга мувофиқ деб ҳисоблайди. Ғоя барча томонларга келажакда фойдали бўлиши учун футболчилар ва ходимларнинг иш ҳақини қисқартириш бўйича келишувга эришишдир. Бунга барча, шу жумладан, Лионель Месси ҳам тайёр.
Карлес Тускец, «Барселона» президенти вазифасини бажарувчи
Маълумот ўрнида, «Барселона»нинг 2019 йилдаги иш ҳақи харажатлари 642 миллион долларга баҳоланганди (тахминан, 545 миллион евро).
«Барселона» Ла Лиганинг 8-туридан кейин 6 ўйин ўтказган ҳолда 8 очко жамғариб, 12-ўринда бормоқда. «Барселона» иштирокидаги дастлабки икки тур ўйинлари кечроқ муддатга қолдирилган.
Мавзуга доир:
Изоҳ (0)