Оққон касаллиги – турли шаклда учрайдиган қон ва суяк илиги саратонининг номидир. Минглаб инсонлар ушбу касалликдан азият чекади, айниқса, улар орасида 15 ёшгача бўлган болалар кўпчиликни ташкил қилади. Оққон ўлимга олиб борадиган касалликдир, аммо уни ўз вақтида даволаш вазиятни бироз енгиллаштириши мумкин. Шунингдек, ҳар ўн йилда олимлар тобора кўпроқ самарали дори топишга муваффақ бўлмоқда. Ўтган асрнинг 50 йилларида ташхис қўйилган беморларнинг 14 фоизи беш ёки ундан кўпроқ вақт яшаган, ҳозирда эса уларнинг улуши 60 фоизни ташкил этади. Бундан ташқари, ҳозирда бир вақтнинг ўзида бир нечта дорилар синовдан ўтказилмоқда, улар самарали деб топилса, ушбу даҳшатли касалликни даволашда ҳақиқий янгилик бўлиши мумкин.
Аммо кўплаб бошқа саратон касаллиги каби даволанишнинг муваффақияти касалликнинг қанчалик тез аниқланишига боғлиқ. Оққон касаллиги асосан 4 турда бўлишига қарамай, аломатларнинг аксарияти бир хил, уларни билиб олиш эса жуда муҳим ҳисобланади.
Чарчоқ ва заифлик
Домий чарчоқ ҳисси, айниқса, унинг кучайиб бораётгани касалликнинг илк аломати бўлиши мумкин. Бу аломат кўпинчи саратон касаллигининг белгиси бўлиши саналади. Чарчоқ даражаси енгил бошланиб, кейинчалик чидаб бўлмайдиган даражага ўтади. Аммо ҳар қандай ҳолатда ҳам кунлик юмушлардан одатдагидан кўпроқ чарчаш ҳолати кузатилса, шифокор билан маслаҳатлашиш зарур.
Нафас қисиши
Вақти-вақти билан оғир нафас олиш, нафас олаётганда сиқилиш – буларнинг барчаси тезроқ шифокорга мурожаат қилиш керак деганидир. Оққонда кечадиган камқонлик ҳолати нафас қисилишига олиб келиши мумкин, чунки ўпка етарлича кислород олмайди ва шунинг натижасида яхши ишламайди.
Кўкаришлар
Оққон касаллигида қонда тромбоцитлар сони кескин камаяди. Шунингдек, қон ивиши билан боғлиқ муаммолар танада кўкаришлар пайдо бўлишига олиб келади. Инсон ҳеч қандай жароҳат олмаган бўлса-да, қўл ва оёқ қисмларида кўкаришлар пайдо бўлади. Бу эса хавфли аломат ҳисобланади.
Қон кетиши
Бурун ва милкнинг қонаши қонда тромбоцитлар етишмовчилиги натижасида қон қуюқлашиши муаммолари намоён бўлиши мумкин. Бу эса ўз навбатида оққон касаллигининг жиддий аломатини кўрсатган бўлади.
Петехия – тери остидаги майда қизил доғлар
Оғриқсиз ва қўл-оёқда жойлашган кичик қизил нуқта тромбоситлар сонининг пастлигини кўрсатади. Кўпинча улар тўпиқ соҳасида пайдо бўлади.
Милкларнинг шишиши
Оққон касаллигининг энг аниқ аломати тиш милкларининг шишиб кетишидир. Бундай ҳолатда бемор оғзида ноқулайликлар пайдо бўлади.
Иштаҳа йўқолиши
Касалликнинг яна бир аломатига талоқнинг катталашиши киради. Бунинг натижасида ошқозон сиқилади ва бемор оз овқатга тўяди ёки иштаҳаси бўғилади.
Қориннинг юқори қисмида оғриқ ёки ноқулайлик
Шунингдек, катталашган талоқ беморнинг юқори чап қорнида ноқулайлик ёки оғриқни келтириб чиқаради. Баъзида оғриқ жуда кучли ҳам бўлиши мумкин. Айнан шу соҳада ноқулайликни ҳис қилган заҳоти шифокор кўригидан ўтиш тавсия этилади.
Титраш ва иситма
Ушбу аломат оққон касаллигига чалинган беморларнинг тўртдан бирида кузатилади. Аммо бу эътиборсиз қолдириладиган аломат эмас. Бундан ташқари кўтарилган ҳарорат инфекцияни кўрсатиши ва иммунитетни заифлаштиради. Бу ҳам касалликнинг энг аниқ белгиларидан биридир.
Кечаси кўп терлаш
Агар эрталаб чойшаб ҳўл бўлса, шифокорга мурожаат қилиш зарур. Тунда терлаш кўпинча оққон касаллиги билан кечадиган инфекцияларнинг натижаси бўлиши мумкин.
Бош оғриғи
Тез-тез кузатиладиган бош оғриғи ҳам касаллик аломати бўлиши мумкин. Бундан ташқари, кучли бош оғриғи мияга қон қуйилишидан дарак бўлиши мумкин. Шунинг учун ҳар қандай оғриққа чидаш ёки дори воситаси ёрдамида оғриқни тўхтатишдан аввал шифокор билан маслаҳатлашиш зарур.
Ғайриоддий рангпарлик
Ушбу аломат чарчоқ, нафас қисилишидан кейин кузатилиши мумкин. Бу ривожланаётган лимфа анемияси ҳақида огоҳлантиради. Ноодатий ранг бу шифокорга мурожаат қилиш учун муҳим сабабдир.
Суяклардаги оғриқ
Оққон ҳужайралари суяк илигига зарар етказиши жуда кенг тарқалган аломат эмас. Аммо айрим беморларда ушбу аломат кузатилади.
Кенгайган лимфа тугунлари
Бу ҳам оққон касаллигининг илк аломатларидан бўлиб, албатта, бунга эътиборли бўлиш керак. Қориннинг пастки қисми, қўлтиқ ости ва бўйин соҳасидаги лимфа безларининг оғриқсиз шишиши юқумли касаллик учун қулайдир. Аммо улар узоқ вақтгача сақланиб турса, шифокорга мурожаат қилиш зарур.
Тери тошмаси
Оққон билан касалланган ҳар йигирма беморнинг биттасида тери тошмалари кузатилади. Бу аллергияга ҳам ўхшаши мумкин. Шунингдек, тошма турли шакл ва ўлчамда бўлиши мумкин. Аммо уларнинг умумий жиҳати бир хил – тобора кўпайиб, тананинг катта қисмини эгаллайди.
Изоҳ (0)