Қашқадарё вилоятининг Шаҳрисабз шаҳрида 25 октябрь — Ички ишлар ходимлари байрами муносабати билан тизимда фаолият юритиб келаётган 30 нафар ходимга янги хонадон калитлари топширилди, дея хабар берди «Дарё» мухбири.
Маълум қилинишича, ИИБ ходимларига топширилган янги уйлар «Қишлоққурилишинвест» инжиниринг компанияси вилоят филиали буюртмасига кўра, «Ботирполвон» қурилиш ташкилоти томонидан барпо этилган.
«ИИБ ходимларига топширилган уй беш қаватли бўлиб, 30 хонадондан иборат. Хонадонлардан 15 таси икки хонали, қолган 15 таси уч хонали ҳисобланади. Мазкур уй қурилишига 4 миллиард 41 миллион 927 минг сўм маблағ сарфланган бўлиб, у барча шароитларга эга», — дейди «Қишлоққурилишинвест» инжиниринг компанияси вилоят филиали бошлиғи ўринбосари Сардор Муродов.
Эслатиб ўтамиз, аввалроқ Ўзбекистон Президенти ички ишлар органлари ходимлари куни муносабати билан бир гуруҳ соҳа вакилларини мукофотлагани тўғрисида хабар берилганди. Фармон билан ўз хизмат вазифасини бажариш вақтида ҳалок бўлган икки нафар ички ишлар ходими ҳам «Жасорат» медали билан мукофотланганди.
Изоҳ (0)