Яқинда банкрот бўлган Ҳиндистоннинг Jet Airways компанияси кредиторлари консорциумнинг тикланиш режасини ҳал қилиш имкониятини топди. Бу авиаташувчи 1,2 миллиард доллар билан банкротлигини эълон қилганида қарийб олти ой ўтиб содир бўлди. Банкрот бўлгунига қадар компания Ҳиндистон ҳаво бозорида иккинчи ўринни эгаллаб келган.
Кредиторларга қарзни ундиришга имкон берадиган режани Дубайдаги магнат Мурари Лал Жалан ва немис тадбиркори Флориан Фрич томонидан асос солинган Лондондаги Kalrock Capital инвестиция фонди тақдим этди.
Spot нашри Forbes India томонидан тадбиркорга оид қисқа маълумотлар эълон қилинган мақоланинг муҳим жиҳатлари билан бўлишди. Тўлиқ матн билан қуйидаги ҳавола орқали танишиш мумкин.
Ранчидан Дубай орқали Тошкентга
Нашр журналистлари Мурари Лал Жалан ҳақида маълумот қидириш асносида Ўзбекистондаги бир нечта йирик лойиҳалар билан шуғулланиб келаётган MJ Developers сайтига мурожаат қилган. Бундан ташқари, компаниянинг БААда бир нечта лойиҳаси мавжуд.«Афтидан, бизнесининг асосий қисми жойлашган Ўзбекистон ва БААдаги муваффақиятларига қарамай, Жалан нисбатан машҳур ёки у қадар таниқли эмас», — деб ёзади Forbes India.
«Бу ердаги иш доираси жуда кичик ва ҳамма бир-бирини танийди. Бироқ у ҳақда ҳеч эшитмаган эканман», — дейди Дубайдаги Martin Consulting авиация консалтинг компанияси асосчиси ва Eastern SkyJets Dubai лойиҳаси собиқ директори Марк Мартин.
«Мурари Лал Жалан бизнинг жамиятдан. Биз унинг оиласини яхши биламиз. Улар бадавлат кишилар», — дейди ўзининг анонимлиги сақланишини сўраган ранчилик бизнесмен.
Мурари Лал қачондир отасининг изидан бориб, қоғоз савдоси билан шуғулланган, шундан сўнг фотоқурилмалар дистрибутерлиги ва фотолабораториялар очишга ўтган.
1990 йиллар бошида тезда парчаланаётган Собиқ Иттифоққа киришга таваккал қилган кўплаб ҳиндистонлик тадбиркорлар каби Мурари Лал бутун Россия бўйлаб фотолабораториялар тармоғини очиш учун Санкт-Петербургга йўл олган.
Тахминан ўша вақтда мамлакатдаги ишончли ҳамкор қидириш билан шуғулланган Япониянинг Konica конгломерати унга ўзининг барча турдаги фотомаҳсулотларини Россия ва МДҲ давлатларига тарқатишни топширган.
Кейинги йиллар давомида Мурари Лал Жалан Калькуттадаги Kanoi Paper and Industries компаниясини сотиб олиб, унинг номини Agio Paper&Industries’га ўзгартирган, Orion Techcity эгалик қиладиган 155 акрли махсус иқтисодий зонага эга Orion IT Private limited муассисига айланган.
«Мазкур зонага 2008 йили пойдевор тошини қўйиш маросимида Ҳиндистоннинг собиқ президенти Пранаб Мукержи ҳам иштирок этган», — деб ёзади Forbes India.
Agio Image гуруҳи Sony, Konica Minolta ва Panasonic’нинг фотографик ва истеъмол товарларни тарқатиш ҳамда сотиш билан шуғулланади. Бундан ташқари, гуруҳ таркибидан савдо ва қурилиш техникалари бўйича бизнес ҳам ўрин олган.
Гупта оиласи билан алоқадорлиги эҳтимоли
Бироқ ўтган йили Жаланнинг жияни ЖАРдаги катта шов-шувларга сабаб бўлган Гупта оиласи аъзосига турмушга чиққанидан сўнг оила машмашалар эпимарказида қолди, деб ёзади Forbes India.Ажай, Атула ва Ражеш исмли ака-укалардан иборат Гупта оиласи уран, олтин ва кўмир қазиб олиш, меҳмондўстлик, муҳандислик ишлари, ахборот технологиялари ва ОАВ билан шуғулланган мамлакатдаги энг бадавлат оилалардан бири эди. Бироқ улар 2016 йили коррупцияда айблангач мамлакатдан қочиб кетишга мажбур бўлган.
«Жаланнинг акаси ва унинг оиласининг оилавий муносабатлари Жаланнинг тижорий фаолиятига ҳеч қандай алоқаси йўқ», — дейди Жаланга яқин бўлган инсонлардан бири.
«Консорциум фақатгина икки аъзодан иборати — Жалан ва Фрич. Барча инвестиция улардан келади. Жалан Гупта оиласининг ҳеч бир аъзоси билан иш юзасидан боғланмаган», — дейди Kalrock Capital бошқаруви аъзоси Манож Маднани.
Ўзбекистондаги лойиҳалар
Ҳозирда компания тўртта лойиҳа билан шуғулланмоқда.Minerva City — жаҳон талабларига жавоб берадиган мактаб, коллеж ва университетга эга Тошкентдаги мажмуа. 100 гектар ҳудудга 15 мингта хонадон, болалар боғчаси, сайр қилиш учун яшил зоналар, боғлар, болалар майдончаси, клиника, меҳмонхона, ёқилғи қуйиш шохобчаси, шопинг-марказлар, клабхаусни жойлаштириш имконини беради:
Lake City — Тошкентдаги «Бахт» кўли базасида қурилаётган мажмуа. Лойиҳа доирасида пляжга эга сунъий кўл қурилади. Кўлнинг ўртасига худди Лас-Вегас ва Дубайдаги каби фонтан қуриш режалаштирилмоқда. Кўл атрофидан эса кафе ва ресторанлар ўрин олади. Шунингдек, бир нечта сунъий кўллар ҳам бунёд этилади:
Bukhara Hotel — шаҳардаги биринчи беш юлдузли меҳмонхона. 7 та қават, 228 та хона ва 2,75 гектар майдон. Бу ердан бассейн, спа-салон, фитнес зал, бар, ресторан, караоке ва банкет зали ўрин олади:
Namangan Square — 18 гектар ҳудуддан офисларга эга бизнес-марказлар, реторанлар, дўконлар, спорт клублари ва турар жой бинолари ўрин олади. 325 минг квадрат метрдан ортиқ майдонда қурилиш ишлари амалга оширилади, унинг ичида 1500 мингдан ортиқ квартира, 32 168 квадрат метр жойда голф майдончаси ўрин олади. Шунингдек, у ерда Iconic Towers (18 қаватли тижорий масканга эга эгизак бинолар) ва Boulevard Plaza — дўконлар, кафе, ресторанлар ва тунги бозорга эга бульвар жойлашади:
Изоҳ (0)