Айнан ушбу бадавлат аёлларни Forbes рўйхатидан топиш мумкин, шунингдек, уларнинг ҳар бири миллион долларлаб бойликка эга. Кўриниб турганидек, шунча пул эвазига пластик операция орқали ҳар қандай инсон ҳам ташқи гўзаллигини янада яхшилаши мумкин. Лекин қуйидаги сердаромад хонимлар бунга рад жавоб қайтариб, табиий гўзалликни ҳар нарсадан устун қўйган.
Элис Уолтон
2020 йил Walmart корпорациясининг асосчиси Сем Уолтоннинг қизи Элис дунёдаги энг бой аёлга айланди, унинг бойлиги 54,4 миллиард долларни ташкил этади. Аммо шунча маблағнинг мавжудлиги ҳам уни бирорта пластик операциясини ўтказишга ундай олмади. Элис 71 ёшда ва унинг кўриниши аъло даражада. Эҳтимол, у жуда сифатли косметик воситадан фойдаланар.
Франсуаза Беттанкур-Мейер
Forbes рўйхатида иккинчи ўринни L’Oreal косметика компаниясининг меросхўри – Франсуаза эгаллади. Қанчалар ҳайратланарли бўлмасин, Франсуаза юзни парвариш қилишда L’Oreal концерни таркибидаги қаришга қарши мўлжалланган бренд воситалардан фойдаланади.
Жулия Кох
57 ёшли миллиардер хоним ёшига нисбатан камида 10 ёшга кичик кўринади. Маълум қилинишича, Жулия ўзига қараш борасида косметологлар билан маслаҳатлашади. Пилинг, парвариш ҳамда «гўзаллик инъекциялари»ни жуда эҳтиёткорлик билан ва табиий равишда амалга оширади.
Маккензи Безос
Яна бир сердавлат ҳамда гўзал хоним – Amazon асосчисининг собиқ рафиқаси Маккензи Безос. У 50 ёшга умуман ўхшамайди. Маккензининг қомати ажойиб ва юзининг ҳам яхши парвариш қилингани сезилиб туради. Гўзал хонимларнинг суратига Instagramда бўлгани каби сохта ишловлар берилмаган. Уларнинг ўзига хос хусусиятга эга табиий юзига қараш ажойиб, албатта.
Жаклин Марс
Жаклин Марс Американинг Маrs қандолат компанияси асосчиси Франклин Марснинг набираси ҳисобланади. Ушбу гўзал хоним аллақачон 80 ёшни қоралаган. Жаклиннинг ажинлари борлиги рост, аммо улар ўзига жуда ҳам ярашади.
Ян Хуэйянь
Ян Хуэйянь танловдаги энг ёш миллиардер бўлишига қарамай, у Хитойнинг энг бой аёли саналади. У кўчмас мулк савдоси билан шуғулланади. Аёл 37 ёшда бўлса ҳам аслида унга барча 27 ёш беради. Осиёда парваришнинг бир неча табиий усули мавжуд. Ян ҳам айнан ўша услубдан фойдаланиши мумкин, чунки у жуда чиройли кўринади.
Сьюзан Клаттен
Германиялик тадбиркор, BMW билан боғлиқ оилавий бизнес эгаси ва меросхўри Сьюзан Клаттен 58 ёшга кирган. Аммо у анча ёшроқ кўринишга эга. Аёлнинг юзи тиниқлигига қараганда у тинимсиз бу борада ғамхўрлик қилади ва овқатланиш тартибини назорат қилади.
Изоҳ (0)