Бронхит билан касалланган беморларда йўтал қанча давом этиши қандай симптомлар кечиши ва нималар билиш кераклигига тўхталиб ўтамиз.
Бронхит — бронхлар яллиғланиш билан кечадиган касалликни аденовирус, риновирус, грипп, парагрипп ва коронавирус, шунингдек, чекиш ва бронхиал астма келтириб чиқариши мумкин.
Қандай симптомлар бронхитдан дарак беради?
Қуруқ ёки нам йўтал, кўкрак қафасида безовталик баъзида интоксикация, нафас олишга қийналиш кузатилиши, ўпкадан хириллаш эшитилиши ҳам мумкин. Ташхисни рентген орқали қўйиб бўлмайди.
Бронхитда йўтал қанчалик узоқ давом этади?
Йўтал бронхитнинг келиб чиқиш сабабига кўра бир кун ёки бутун умр давом этиши ҳам мумкин. Бу қандайдир инфекция билан боғлиқ ўткир бронхит ёки беморни бутун умр безовта қилиши мумкин бўлган сурункали бронхит бўлиши мумкин. Агар бронхит вирусли бўлса ва бошқа касалликлар кузатилмаса, вирус 7 кунда ўтиб кетади. Аммо баъзи вирусларда йўтал узоқ 2-3 ҳафта давом этиши мумкин.
Вирусли бронхитни қандай даволаш мумкин?
Ҳеч қандай. Вирусли бронхит ўзи ўтиб кетади. Симптомларни бартараф этадиган, масалан ҳароратни туширадиган, йўтални камайтирадиган препарат ичиш мумкин. Кўп миқдорда суюқлик ичиш, тоза ҳавода сайр қилиш муҳим саналади.
Қуруқ йўталда балғам кўчирадиган препарат қабул қилиш керакми?
Сурункали касалликларга чалинган беморларнинг балғамини суюлтириш кераклигини айтмаганда бошқаларга бунинг ҳожати йўқ.
Антибиотик қабул қилиш керакми?
Антибиотиклар бронхиал тўқималарига кирмайди шу сабаб ҳам вирусли ёки бактериал бронхитда ҳам антибиотикларнинг кераги йўқ. Сурункали ўпка касалликлари безовта қиладиган беморлар бундан мустасно.
Ўткир бронхит сурункалига айланиши мумкинми?
Ўткир бронхит ўз-ўзидан ўтиб кетади. Сурункали эса чекадиган ёки ҳамиша зарарли таъсир остида бўладиганлар ҳамда бронхиал астмага чалинган одамларда кечади. Ўткирдан сурункалига ўтиши мумкин эмас. Чунки уларнинг ҳар иккиси ҳам бошқа-бошқа форма.
Халқ табобати бронхитда қанчалик ёрдам беради?
Асалли, лимонли ва занжабилли чой ичганда бронхит безовта қилган бемор бироз енгиллик ҳис қилиши мумкин, лекин халқ табобатининг ўзи билан даволаниб бўлмайди.
Изоҳ (0)