Кўз остида қора доғлар пайдо бўлишининг 5 сабаби

Айрим инсонлар кўз остида қора доғлар пайдо бўлишига кўпроқ мойил бўлади, баъзиларда эса бу ҳолат умуман кузатилмайди. Лекин улар юзага келганидан сўнг соғлиққа асло эътиборсиз бўлиш керак эмас. Улар организмда рўй бераётган 5 та жараён туфайли пайдо бўлади.

Нотўғри парвариш

Баъзида кўз остидаги доғлар одатий крем билан ҳал қилинади. Аммо деярли ҳеч ким кремларнинг барчасида «Кўз атрофига суриш мумкин эмас» деган кўрсатмага амал қилмайди. Сабаби кўз атрофи териси жуда нозик бўлиб, ҳар нарсага сезгир ҳисобланади, қуёш нуридан салқин ҳавогача. Агар қуёш нуридан ҳимоя қилинмаса, ушбу соҳада пигментация фаоллашади, уни кўпинча шунчаки кўз остидаги доғлар, деб хато ўйлаш мумкин. Шунингдек, яна бир муаммо, пилинг ёки лазерли жараёнларни ҳам кўз атрофида қўллаш мумкин эмас.

Бунинг учун махсус кўз кремдан фойдаланиш зарур. Агар шиш пайдо бўлишига мойиллик бўлса, унинг таркибида компонентлар, масалан, ялпиз бўлиши керак. Бундай кремлар кўз атрофи ва юз рангини бир хил қилишда ва тери қаришининг олдини олишда ёрдам беради.

Аллергия

Қора доғлар аллергия аломати бўлиши ҳам мумкин. Масалан, гул ҳиди, чанг ёки уй ҳайвонлари юнгига аллергия бўлса, унда аллергиянинг аломатлари унинг эгасига маълум бўлади.

Аммо камдан кам ҳолларда аллергия билан касалланганлар кўз атрофидаги муаммони ўзларининг сурункали касаллиги билан боғлайди. Шу билан бирга, тез-тез бурун битиши ва оқиши пайтида кўз атрофидаги томирлар кенгаяди. Албатта, аллергияни бир кунда йўқ қилиб бўлмайди, аммо терига салқин компресслар орқали ёрдам бериш мумкин.

Кўзни чарчатиш

Кўпчилик инсонлар куни бўйи компьютер қаршисида ишлайди, ундан бўш вақтларда эса смартфон билан овора бўлади. Бу нафақат кўз капиллярларига, балки атрофдаги томирларига ҳам катта қийинчилик туғдиради. Шунинг учун кўз остидаги илк қорайишлар кўп китоб ўқиш даврида юзага келади. Агар кўз толиқиши ҳаддан ортиқ бўлса, улар учун махсус машқлар бажариш лозим. Кўзни дам олдирадиган томчиларни қўллаш ва кўз атрофини бармоқ учида енгил массаж қилиш тавсия этилади.

Витамин етишмаслиги

Кўз қорайишининг энг кенг тарқалган сабабларидан бири «панда эффекти» ҳисобланади. Бу ҳолатда кремлар ва сурмалар ёрдам бермайди. Организмга қандай витамин етишмаслигини аниқ билиш учун тест топшириш ва натижаларни шифокор билан таҳлил қилиш зарур. Шунингдек, қоида тариқасида қора доғлар B12 витамини етишмаслигининг белгисидир. Махсус витамин комплекслари, гўшт, денгиз маҳсулотлари, исмалоқ ва дуккакли экинларни истеъмол қилиш тавсия этилади.

Сурункали чарчоқ

Организм сурункали чарчоқ туфайли зиммасига юклатилган вазифани бажара олмайди. Унинг натижасида кўз остида қорайишлар пайдо бўлади. Кўз остидаги бу кўринишлар кундалик ҳаётни ўзгартириш вақти келганини белгилайди. Танага бироз дам бериш, ҳеч бўлмаганда кетма-кет камида уч кун тиниқиб ухлаш тавсия этилади.