Faqat shamollash emas: Moychechakli choy qanday kasalliklarni davolaydi?

Shifobaxsh o‘simliklardan biri bo‘lgan moychechakning foydali xususiyatlari Gippokrat va Dioskoridga ham ma’lum bo‘lgan. Qadimda damlama, malhamlar tayyorlangan, davolash maqsadida ishlatilgan moychechakdan shifokorlar bugungi kunda ham foydalanishni tavsiya qiladi.

Moychechakning foydali xususiyatlari

Shamollashda yordam beradi

Yallig‘lanishni sekinlashtiradi, haroratni tushiradi. Tomoq og‘riganda moychechakli choy ichilsa, yengillik his qilish mumkin, shuningdek, u patogen (mikroblarga qarshi) ta’sir qiladi.

Hazm bilan bog‘liq muammolarni bartaraf etadi

Ichaklarni, oshqozon faoliyatini yaxshilaydi, qayt qilish va jig‘ildon qaynashida samara beradi.

Asab tizimini mustahkamlaydi

Muntazam iste’mol qilish xotirani yaxshilaydi, uyqusizlikka qarshi samara beradi. Shifokorlar stress va asabiylashishdan aziyat chekadigan bemorlarga moychechak damlamasini ichishni tavsiya qiladi.

Saratonning oldini oladi

Moychechak tarkibidagi apigenin sabab saratonga qarshi samarali vosita hisoblanadi.

Migrenda yordam beradi

Tinchlantiruvchi ta’sirga ega ekani sabab migrenda moychechakli choy ichish yordam beradi.

Yo‘talni davolaydi

Moychechak bronxit, tonzillit va laringitda samarali vosita hisoblanadi.

Xolesterinni kamaytiradi

Shu sabab ham moychechakni yurak kasalliklari kuzatiladigan bemorlar ratsioniga kiritish tavsiya qilinadi.

Milklar qonashini kamaytiradi

Og‘iz bo‘shlig‘i va milklardagi yallig‘lanishda samara beradi, shilinish va yaralarni tez bitiradi.

Tomir tortishishini ham bartaraf qiladi

Moychechak peshob haydovchi xususiyatga ega.

Ilmiy nomi matricaria hisoblanadigan o‘simlikdan qadimda ginekologik kasalliklarni davolashda foydalanilgan.

Ayollar uchun foydasi quyidagilardan iborat:

• Og‘riqni kamaytirish xususiyatiga ega.
• Gormonal fonni me’yorda saqlaydi.
• Spazmolitik ta’sir ko‘rsatadi.
• Kandidoz, kolpit va vaginitda yordamchi vosita sifatida foydalanish mumkin.
• Homilador ayollarda “toksikoz” ni yengillashtiradi.

Teri holatini yaxshilaydi. Moychechakli choyni nafaqat ichish, balki teriga ham surtish mumkin. Uni muzlatib, muz bo‘lagi sifatida surtilganda teri oqaradi, teri teshiklari torayib, yallig‘lanish va qizarishlar bartaraf etiladi.

Turli kasalliklarda moychechak asosiy emas, qo‘shimcha davolovchi vosita xolos. Undan foydalanganda ijobiy natijaga erishish uchun bir finjon choyning o‘zi kamlik qiladi.