Бугун,

  • USD 11014.01
  • RUB 191.8
  • EUR 10674.78

Фарғонада юк машинаси поездга урилиши оқибатида йўл-транспорт ҳодисаси содир бўлди, дея хабар бермоқда Ўзбекистон темир йўллари ахборот хизмати.

Фото: Ўзбекистон темир йўллари

Фото: Ўзбекистон темир йўллари

Қайд этилишича, Фарғона вилоятида 13 октябрь куни ГАЗ-53 русумли юк машинаси ҳаракатланаётган 62-сонли Тошкент– Андижон йўловчи поездининг тепловозига бориб урилган.

Ҳодиса соат 21:40 да Бувайда ва Қўқон станциялари ўртасидаги темир йўл кесишмасида содир бўлган. Аниқланишича, автомобиль ҳайдовчиси туширилган шлагбаумни айланиб ўтиб, йўл ҳаракати қоидасини бузган.

Фото: Ўзбекистон темир йўллари

Фото: Ўзбекистон темир йўллари

Тўқнашув натижасида юк машинасининг кабинаси жиддий зарар кўрган. Тан-жароҳатлари олган ҳайдовчи воқеа жойида вафот этган.

Маълум қилинишича, локомотив ва поезднинг биринчи вагонига ҳам зарар етган. Йўловчилар орасида жароҳат олганлар йўқ.

Зарaр кўрган локомотив Қўқон локомотив депосига етказилди. Поезд манзилга бошқа электровоз орқали етказиб берилди. Ҳодиса туфайли поезд 42 дақиқага кечиктирилди.

Фото: Ўзбекистон темир йўллари

Фото: Ўзбекистон темир йўллари

Ҳодиса юзасидан ҳуқуқни муҳофаза қилиш органлари ва бошқа идоралар тергов олиб бормоқда.

Аввалроқ Андижонда Damas юк машинасига урилиши оқибатида вояга етмаган йўловчи ҳалок бўлгани хабар қилинганди.

Изоҳ
Асосий янгиликлар