Bugun,

  • USD 11014.01
  • RUB 191.8
  • EUR 10674.78

Jizzax viloyati G‘allaorol tumanida Xonimqo‘rg‘on qishloq fuqarolar yig‘ini hududidan o‘tgan Toshkent–Termiz M-39 yo‘lining 1034-kilometrida yo‘l-transport hodisasi ro‘y berdi, deya xabar bermoqda YHXBB.

Kadr: Telegram/YHXBB

Kadr: Telegram/YHXBB

Ma’lum bo‘lishicha, Surxondaryo viloyati Muzrabot tumanida istiqomat qiluvchi 1985-yilda tug‘ilgan B.Q. Cobalt avtomobilini Samarqand yo‘nalishida boshqarib ketayotib uxlab qolgan.

Natijada Cobalt oldinda harakatlanib ketayotgan Qashqadaryo viloyati Qarshi shahrida yashovchi fuqaro boshqaruvidagi “KamAz” yuk mashinasining orqa qismiga urilgan.

YTH oqibatida Cobalt avtomashinasida bo‘lgan 1982-yilda tug‘ilgan fuqaro voqea joyida vafot etgan. Yana bir yo‘lovchi og‘ir tan jarohati olib, G‘allaorol tibbiyot birlashmasining travmatologiya bo‘limiga yotqizilgan.

Ushbu YTH sabablari o‘rganilganda Cobalt avtomashinasi haydovchisi transport vositasining yoritish chiroqlari ishlamagan bo‘lsa-da, harakatlanishda davom etganligi va unda charchoq alomatlari borligi ma’lum bo‘ldi.

Holat yuzasidan Jinoyat kodeksining 266-moddasi (odam o‘limiga olib kelgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan.

Avvalroq Farg‘onada avtomobil boshqaruvini yo‘qotib, daraxtga urilgan 16 yoshli haydovchi, Andijonda Damas yuk mashinasiga urilishi oqibatida voyaga yetmagan yo‘lovchi, Navoiyda sodir bo‘lgan YTH oqibatda haydovchi va piyoda hamda Chilonzorda avtomobil boshqaruvini yo‘qotib, daraxtga urilgan 21 yoshli haydovchi vafot etgani xabar qilingandi.

Izoh
Asosiy yangiliklar
Dunyo
Kreml Putin tug‘ilgan kunini qanday nishonlamoqchiligini ma’lum qildi
Sport
Superligada sentabr oyining eng yaxshi murabbiyi aniqlandi
Mahalliy
Farg‘onada 64 yoshli qaynota kelinini o‘ldirib, marhumaning boshini uzib oldi