Ҳиндистонлик актриса Видья Балан жуда кўп номинациялар ва турли хил фильм мукофотларига сазовор бўлган Болливуд юлдузидир. У 2014 йилда ҳинд кино санъатига қўшган ҳиссаси учун «Падма Шри» номидаги давлат мукофотини қўлга киритган.
Видья Балан ҳақида томошабинларга номаълум бўлган 10 та қизиқарли фактни эътиборингизга ҳавола этамиз.
16 ёшда дебют
Видья Балан Ҳиндистоннинг Оттапалам шаҳрида дунёга келган ва Бомбейда вояга етган. Унинг кумирлари Шабана Азми ва Мадхури Дикшит бўлган. Актриса ҳам болалигидан санъатга қизиқа бошлаган.
У 16 ёшида кўзи хира кўрадиган, кар қиз Радхики Матхур образини моҳирлик билан ижро этди. Оммабоп ситком ҳисобланган «Биз бешовимиз» картинаси Видья учун кино санъатига ажойиб йўлланма бўлиб хизмат қилди.
2012 йилда никоҳ
Продюсер ва UTV Motion Pictures компаниясининг директори Сиддхартх Рой Капур актриса билан турмуш қурди. Никоҳ маросими Мумбай четидаги Бандра шаҳрида бўлиб ўтди. Унинг турмуш ўртоғи Видья рол ўйнаган бир қанча фильмларни суратга олган.
Социология бўйича магистрлик даражаси
Актриса ота-онасининг маслаҳатига амал қилган ҳолда ўқишини тугатгунига қадар актёрлик фаолиятини тўлиқ олиб бормади. У коллежда бакалавр ва магистратурани социология бўйича тамомлади ва Мумбай университетида ўқишни давом эттирди. Агар актриса шоу-бизнесни тарк этмоқчи бўлса, унинг олдида яна бир имконият мавжуд.
Қизиқувчан китобхон
Видья мутолаани жуда яхши кўради. Болливуднинг таниқли юлдузи бирор кунини китобсиз ўтказмайди. Замонавий муаллифлардан Пауло Коэло асарларини яхши кўриб ўқийди.
Тилларга нисбатан қобилият
Видья Балан инглиз, бенгал, малаял, тамил ва ҳинд тилларида сўзлаша олади.
Болливудда кино сиёсатининг ўзгариши
Видья Баланнинг ижтимоий фаолияти туфайли аёллар мавзусидаги фильмларни суратга олиш бошланди. Илгари картиналар фақат эркаклар ҳаёти ҳақида ҳикоя қилар эди, у ерда аёл кишининг ўрни иккинчи даражада бўлган.
Фотосессия ва рекламаларнинг кўплиги
Видья фильмларга суратга тушишдан ташқари, бошқа соҳаларда ҳам юқори талабга эга актрисалардан ҳисобланади. Унинг фотосессия ва рекламаларда иштироки ҳисобига иш жадвалида ортиқча вақти бўлмайди.
Масалан, актриса кетма-кет 90 та реклама ролигида иштирок этган, шунингдек, Чарли Чаплин қиёфасида журнал муқовасини безаган.
Вазн билан боғлиқ муаммо
Актриса бир қанча интервьюларида ҳам ўз вазнини ушлаб туролмаслигини тан олган: у дам семиради, дам озади. Видья туғруқдан кейинги бироз ноқулайлик туфайли ўзига бўлган ишончни йўқотмаслик учун етарли куч кераклигини таъкидлайди.
Ижтимоий фаолият
Видья суратга тушишдан ташқари, таниқли жамоат арбоби ҳисобланади. У турли хил хайрия тадбирларида фаол қатнашади ва инсоний қадриятларни тарғиб қилади.
Актрисанинг машҳур опаси
Видья Баланнинг амакиваччаси – ҳиндистонлик модель ва актриса Приямани жуда машҳур. Мухлислар унинг опаси Шоҳрух Хон билан иштирокидаги «Чиннай экспрес» комедиясини жуда яхши кўради.
Изоҳ (0)