Техаснинг Остин шаҳрида яшайдиган Маки Каррин 2019 йилда энг узун оёқ эгаси сифатида Гиннеснинг рекордлари китобига киритилган.
17 ёшли спортчи, аёллар ва ўсмирлар орасидаги оёғи энг узун қиз ҳисобланади. Унинг чап оёғи узунлиги 135,3 сантиметр ўнги эса 134,3 сантиметрни ташкил этади.
Маки атрофдагилар унинг оёқлари сабаб эмас, бошқалардан баланд эканлиги учун кулишганини, аммо кейинчалик уларнинг фикри уни қизиқтирмай қўйганини таъкидлайди.
Бўйининг узунлиги 202 сантиметр бўлган Катрин аёлларни баланд бўйни илоҳий туҳфа, деб қабул қилишга чақиради.
Америкалик қиз кундалик турмушда эшикдан киришда, машинага ўтиришда ва ўзига мос ўлчамда либос танлашда қийинчиликларга дуч келишини маълум қилган. Узун оёқлари волейбол ўйинларида ёрдам берадиган Катрин ташқи кўриниши сабаб TikTok’да машҳурликка эришган.
Келажакда у Буюк Британиядаги коллежда ўқишини давом эттириш ва энг баланд бўйли профессионал модель сифатида Гиннеснинг рекордлари китобига киришни истайди.
Изоҳ (0)