Бугун,

  • USD 11095.31
  • RUB 173.84
  • EUR 10772.44

Қозоғистонга келишни режалаштирган чет эл фуқаролари 6 октябрдан бошлаб коронавирус учун ПЗР тестидан ўтганлиги тўғрисида ҳақиқий сертификатга эга бўлишлари керак. Бу ҳақда транспорт бўйича давлат бош санитария шифокори Садвакас Байгабуловга таяниб «ТАСС» маълум қилди.

Фото: Rambler

Фото: Rambler

«2020 йилнинг 6 октябридан бошлаб топширганига 72 соатдан кўп бўлмаган ПЗР усули бўйича COVID-19 тестидан ўтганлиги тўғрисидаги гувоҳномасиз чет элдан келган хорижий фуқаролар Қозоғистонга киришига рухсат берилмайди», – дейди Байгабулов.

Унга кўра, юқорида қайд этилган маълумотномага эга бўлмаган мамлакатга келувчи Қозоғистон фуқаролари коронавирусга қарши лаборатория текширувларини ўтказиш учун касалхонада икки кун давомида изоляция қилинади.

Шунингдек, Байгабулов ушбу талаблар республика ҳаво қатновини қайта тиклаган барча мамлакатларга тегишли эканлигини, давлатларни тоифалар бўйича тақсимлаш назарда тутилмаганлигини тушунтирди.

«Шунга ўхшаш чеклов талаблари Қозоғистонда темир йўл, денгиз, дарё транспорти ва автоуловларни кесиб ўтишда давлат чегарасидаги назорат пунктлари орқали бўлган шахсларга нисбатан қўлланилади», – деди транспорт бўйича бош давлат санитария шифокори.

Пандемия бошланганидан бери Қозоғистон йўловчиларнинг деярли барча ҳаво қатновларини тўхтатиб қўйди. Мамлакатда ички рейслар 1 майдан иш бошлаган эди.

Жанубий Кореяга рейслар 20 июндан бошлаб амалга оширилмоқда. БАА, Германия, Беларусь ва Украинага парвозлар 17 августдан бошлаб тикланди. 27 август куни Қозоғистон ва Туркия ўртасида мунтазам йўловчи рейсларига қўйилган чекловлар бекор қилинди.

Миср ва Ўзбекистонга рейслар сентябрь ойида тикланди. Қирғизистон билан йўловчи рейслари 20 сентябрдан, Россия билан эса 21 сентябрдан парвозлар қайта тикланди.

Изоҳ
Асосий янгиликлар
Дунё
Генерал Пётр Павел Чехиянинг янги президенти этиб сайланди
Дунё
Америкадаги рус мафияси бошлиғига айланиб, Россияда ўлим топган “қонундаги ўғри” — “Япончик”. Кун хронологиясида 29 январь
Маҳаллий
Марказий банк раисининг крипто-активлар бўйича маълумоти рад этилди