Футбол бўйича Coca-Cola Суперлиганинг 18-туридан ўрин олган икки ўйин 1 октябрь, пайшанба куни бўлиб ўтди.
ОКМК «Сурхон» майдонига сафар қилди. Тенг курашлар остида ўтган баҳс тақдирини 6-дақиқада Дарко Станоевичнинг томонидан киритилган автогол ҳал қилди. Шундан сўнг иккала жамоа вакиллари ҳар қанча уринмасин дарвозалар бошқа ишғол этилмади.
ОКМК мазкур ғалабадан сўнг очколарини 39 тага етказиб, 2-ўринда бораётган бўлса, «Сурхон» 12 очко билан 12-поғонадан ўрин олган.
«Бухоро» ва «Навбаҳор» жамоалари ўртасида баҳс эса Муборак шаҳрида кечди. Ўйин давомида меҳмонлар устунлик қилган бўлса-да, бироқ уларга мезбонлар дарвозасини ишғол этиш насиб этмади. Шу тариқа томонлар нурсиз дурангга рози бўлди.
«Навбаҳор» 18-турдан кейин 23 очко билан 7-поғонада бормоқда. «Бухоро» эса 9 очко жамғарган ҳолда сўнгги, 14-ўриндан жой олган.
Coca-Cola Суперлига
18-тур баҳслари1 октябрь, пайшанба
«Сурхон» — ОКМК 0:1
Гол: 0:1 – 6 Станоевич (автогол).
«Сурхон»: Азамат Аҳмедов, Низом Норов, Шавкат Саломов, Александр Касян, Нуриддин Ҳасанов, Ҳусниддин Ғофуров, Аъзам Алиев, Жаҳонгир Меҳмонов, Дарко Станоевич, Беҳруз Шайдулов, Асрор Ғофуров.
ОКМК: Валижон Раҳимов, Акмал Шораҳмедов, Игор Зонич, Бобур Йўлдошев, Мурод Тошматов, Ёван Жокич, Миржамол Қосимов (Жасур Умаров, 58), Санжар Турсунов (Шаҳзод Нурматов, 71), Ҳусниддин Ғофуров, Мате Вацадзе (Зафар Полвонов, 71), Элгужа Григалашвили (Баҳром Абдураҳимов, 58) (Сардор Раҳмонов, 90+1).
Огоҳлантиришлар: Ғофуров 29, Меҳмонов 43, Шайдулов 72, Станоевич 89.
«Бухоро» — «Навбаҳор» 0:0
«Бухоро»: Сардор Қобилжонов, Миржалол Жумаев, Бобиржон Аманов, Суҳроб Неъматов, Жасур Ҳакимов (Муҳаммад Ғиёсов, 46), Зоҳир Пиримов (Жавоҳир Шодмонов, 90+3), Беҳруз Садиллоев (Файзуллобек Жуманқўзиев, 64), Бекзод Саидов, Эргаш Исмоилов, Иззат Абдуллаев (Аббосбек Жумақулов, 27) (Абдуғани Камолов, 90+3), Солибек Каримов.«Навбаҳор»: Ўткир Юсупов, Эҳсони Паншанбе, Азимжон Аҳмедов, Иван Соловёв (Сардор Теляков, 66), Азизбек Турғунбоев, Мирзоҳид Ғофуров, Даврон Ҳошимов (Тоҳиржон Шамситдинов, 66), Игор Голбан, Хуршидбек Мухторов, Аббосжон Ғуломов (Исломбек Исоқжонов, 58), Забиҳилло Ўринбоев (Руслан Болов, 58).
Огоҳлантиришлар: Жумақулов 56, Соловёв 63, Шамситдинов 68.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)