«Ростов» клуби ва Ўзбекистон терма жамоаси ҳужумчиси Элдор Шомуродов «Женоа» сафига йўл олади.
«Женоа» спорт директори Даниэле Фажиано Шомуродов билан келишувга эришилганини тасдиқлаган.
«Биз трансфер борасида келишувга эришдик. Ўйлашимча, Шомуродов шартнома имзолаш учун яқин орада Италияга етиб келади. Умид қиламанки, бу тез орада рўй беради», — дейди Фажиано.
Metaratings хабарига кўра, генуяликлар клуби Шомуродов учун 7,5 миллион евро таклиф қилган. Шунингдек, футболчининг кейинги трансферидан «Ростов»га улуш таклиф этилган.
Элдорнинг ўзи йилига 600-700 минг евро маош олади. А Серия жамоаси ўзбекистонлик футболчи билан камида 3 йиллик шартнома имзолаши кутилмоқда.
Маълумот учун, Элдор ростовликлар сафида 2017 йилдан бери тўп тепиб келади. Мазкур вақт мобайнида у 91 ўйинда майдонга тушиб, 18 та гол урди ва 12 та голли узатма амалга оширди. Унинг «Ростов» билан амалдаги шартномаси 2024 йилгача мўлжалланган.
25 ёшли футболчи «Машъал» академияси тарбияланувчиси ҳисобланиб, «Ростов»дан аввал «Бунёдкор» сафида ҳаракат қилган.
Голлар тўплами:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)