Монополияга қарши курашиш қўмитаси (АМК) Ўзбекистонда ишлаб чиқариладиган кўпикланадиган ва табиий виноларнинг рекламасига рухсат беришни таклиф қилди. Бу таклиф амалдаги қонунга ўзгартиришлар киритиш тўғрисидаги қонун лойиҳасида қайд этилган.
«Реклама тўғрисида»ги қонуннинг ҳар қандай кучли тамаки маҳсулотлари ва спиртли ичимликларни реклама қилишни тақиқловчи 23-моддасига «Ўзбекистонда ишлаб чиқариладиган кўпикли ва табиий шароб рекламасидан ташқари» сўзлари билан тўлдириш таклиф этилмоқда.
Қуйидаги ҳолларда маҳаллий вино маҳсулотларининг рекламасига рухсат бериш режалаштирилмоқда:
- меҳмонхоналар, савдо ва умумий овқатланиш корхоналари савдо залининг ички қисмида ҳамда маҳсулотларни намойиш ва дегустация қилиш жойларида;
- ахборот маҳсулотининг ёшга оид таснифини кўрсатган ҳолда ишлаб чиқарувчи ва савдо корхоналарининг расмий веб-сайтларида;
- темир йўл ва ҳаво транспорти воситаларида;
- телевидениеда маҳаллий вақт билан соат 22:00 дан 07:00 гача намойиш қилинишига.
Изоҳ (0)