Тошкент шаҳар Амир Темур кўчасида 29 сентябрь куни содир бўлган йўл-транспорт ҳодисаси оқибатида бир аёл вафот этди. Бу ҳақда Тошкент шаҳар ИИББ хабар берди.
Маълум қилинишича, 29 сентябрь куни тахминан соат 22:00 да Амир Темур кўчасида 23 ёшли Ҳасан Н. ишончнома асосида Nexia автомобилини бошқариб кетаётганда йўлни белгиланмаган жойидан кесиб ўтаётган пиёдани уриб юборган.
ЙТҲ натижасида ҳозирда шахси аниқланаётган, ёши тахминан 50-55 да бўлган аёл олган жароҳатлари сабабли воқеа жойида вафот этган. Ҳодиса тафсилотларини ўрганиш ишлари давом этмоқда.
Мавзуга доир:
Изоҳ (0)